En cumprimento do previsto no artigo 248 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de autorización de vertedura:

Solicitante: CRC Obras y Servicios, S.L.

NIF: B15387855.

Expediente: DH.V15.110770.

Lugar: Vilaseco.

Parroquia: Castrelo.

Concello: Vimianzo.

Tipo de vertedura: augas residuais industriais de escorrega depuradas.

Caudal máximo anual: 52.733 m³/ano.

Punto de vertedura: X=495.848; Y=4.769.204.

Medio receptor: rego Vilariño (bacía do río Grande).

Tratamento/evacuación:

As augas residuais industriais de escorrega xeradas na explotación recóllense na balsa localizada na praza da canteira, cuxo efluente se verte á cuneta da estrada AC-552, incorporándose finalmente ao rego Vilariño.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia, situadas na praza de Camilo Díaz Baliño, 7-9, Santiago de Compostela. Para isto, se o desexa, poderá concertar cita previa no correo electrónico tramitaciondph.augas@xunta.gal ou nos teléfonos 981 54 41 41 e 981 54 50 87.

As persoas interesadas poderán presentar alegacións durante o prazo de trinta días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común.

Santiago de Compostela, 7 de novembro de 2025

Matilde Alonso Acosta
Xefa da Área de Verteduras