De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, a través deste anuncio que se publicará no Boletín Oficial del Estado, emprázanse as persoas citadas no anexo, para proceder á notificación das resolucións ditadas nos expedientes que se indican no referido anexo instruídos de conformidade co disposto no artigo 172 e seguintes do Código civil e demais normativa de aplicación, por ignorarse o lugar de notificación ou por non ser posibles as notificacións no último domicilio que consta nos ditos expedientes tramitados neste departamento territorial de Vigo.

Para o coñecemento íntegro das resolucións, as persoas interesadas por si ou a través das persoas que legalmente as representen poderán comparecer no prazo de dez (10) días hábiles desde o día seguinte ao da publicación deste anuncio no Boletín Oficial del Estado nas dependencias do Servizo de Familia, Infancia e Dinamización Demográfica, do Departamento Territorial de Vigo, da Consellería de Política Social e Igualdade, na rúa Concepción Arenal, nº 8, 1º andar, en Vigo, de luns a venres laborais, das 9.00 ás 14.00 horas. Transcorrido o prazo sen efectuar a comparecencia, a notificación entenderase producida ao vencemento do dito prazo establecido para comparecer.

Así mesmo, este anuncio publicarase no Diario Oficial de Galicia, ben que a notificación quedará supeditada á súa publicación no Boletín Oficial del Estado.

Advírtese que contra as resolucións poderá interpoñerse recurso ante o Xulgado de Primeira Instancia de Vigo que por quenda corresponda, no prazo de dous meses, desde o día seguinte ao da notificación da resolución, efectuada por comparecencia, de conformidade co disposto no artigo 780 da Lei 1/2000, do 7 de xaneiro, de axuizamento civil.

Vigo, 22 de outubro de 2025

Mª Ángeles Rouco Fernández
Directora territorial de Vigo

ANEXO

Núm. de expediente	Interesado/a	Efectos xurídicos	Data da resolución
2008/360-36	X5329140V	Cese de medida administrativa	8.5.2025
2024/200-36	EE4625435	Mantemento de medida administrativa	5.11.2024
2015/265-36	39450563C	Mantemento de medida administrativa	12.8.2025
2017/20-36	X5806604R	Mantemento de medida administrativa	9.10.2025
2007/394-36	53179374N	Mantemento de medida administrativa	17.9.2025
2024/181-36	Juan Pablo Estorgio Castilho Moreno	Establecemento de medida administrativa	25.6.2025