O 19 de xuño de 2025 publicouse no Diario Oficial de Galicia a Resolución da Dirección da Axencia para a Modernización Tecnolóxica de Galicia, do 28 de maio de 2025, pola que se aproban as bases reguladoras para a concesión, en réxime de concorrencia competitiva, dos premios Axentes TIC da Rede CeMIT, e se procede á súa convocatoria para o ano 2025 (procedemento administrativo AP401A). Así mesmo, o 19 de xuño de 2025 publicouse no Diario Oficial de Galicia o extracto da dita convocatoria, co identificador 840385 da Base de datos nacional de subvencións, de conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións.

Ao abeiro da dita convocatoria, con data do 14 de novembro de 2025, a Dirección da Axencia para a Modernización Tecnolóxica de Galicia ditou a resolución da concesión e a non concesión dos II Premios Axentes TIC da Rede CeMIT, con indicación de que se lles notificase ás persoas interesadas.

Segundo o establecido nos artigos 17 das bases reguladoras aprobadas pola Resolución do 28 de maio de 2025 e 20.8.b) da Lei 38/2003, do 17 de novembro, xeral de subvencións, a relación das persoas beneficiarias e o seu importe, así como a relación das persoas non beneficiarias, será publicada no Diario Oficial de Galicia. Así mesmo, os referidos premios serán tamén remitidos á Base de datos nacional de subvencións.

En consecuencia, resolvo que se proceda á publicación da relación de expedientes que resultaron beneficiarios, así como os non beneficiarios, dos II Premios Axentes TIC da Rede CeMIT, que se incorpora como anexo a esta resolución, e que se remita a información da concesión á Base de datos nacional de subvencións.

Santiago de Compostela, 17 de novembro de 2025

Julián Cerviño Iglesia
Director da Axencia para a Modernización Tecnolóxica de Galicia

ANEXO I

a) Norma reguladora da convocatoria: Resolución do 28 de maio de 2025 pola que se aproban as bases reguladoras para a concesión, en réxime de concorrencia competitiva, dos premios Axentes TIC da Rede CeMIT, e se procede á súa convocatoria para o ano 2025 (procedemento administrativo AP401A, DOG nº 116, do 19 de xuño de 2025).

b) Programa: 571A.

c) Crédito orzamentario: 10.A1.571A.480.0.

d) Finalidade: recoñecer o compromiso e o labor dos axentes TIC e responsables de aula, xa que fan posible unha Rede CeMIT máis eficiente e moderna que asegura que a cidadanía conte coas capacidades dixitais para poder participar de forma máis efectiva no novo contexto dixital.

e) Relación de persoas beneficiarias e cantidades concedidas ao abeiro dos II Premios Axentes TIC da Rede CeMIT 2025, así como relación de persoas non beneficiarias:

Persoas solicitantes	NIF	Premio concedido	Importe do premio
Ana María Pérez Martínez	***3869**	Primeiro Espazo Maker	2.000 €
Víctor Manuel Galdo Gómez	***1738**	Primeiro Maiores Dixitais	2.000 €
Ana María Pérez Martínez	***3869**	Segundo Maiores Dixitais	1.000 €
Rebeca Crujeiras Pérez	***3866**	Primeiro Axente TIC	2.000 €
Laura Fernández Álvarez	***8563**	Segundo Axente TIC	1.000 €
José Marcelo Recarey Alves	***4091**	n/a	0 €
Víctor Manuel Galdo Gómez	***1738**	n/a	0 €
Verónica Barcón Ben	***8693**	n/a	0 €