No Boletín Oficial da provincia de Pontevedra (BOP) número 200, do 20 de outubro de 2025, publicáronse a convocatoria e as bases que rexerán a cobertura das seguintes prazas vacantes, incluídas na oferta de emprego público do Concello de Bueu para os anos 2023 e 2025:

Denominación: oficial condutor mecánico. Sistema de provisión: concurso-oposición. Grupo C, subgrupo C2.

Denominación: oficial de obras. Sistema de provisión: concurso-oposición. Grupo C, subgrupo C2.

Denominación: oficial electricista. Sistema de provisión: concurso-oposición. Grupo C, subgrupo C2.

Denominación: administrador/a do mercado. Sistema de provisión: concurso-oposición. Grupo C, subgrupo C2.

Denominación: administrativo/a xefe/a de negociado. Sistema de provisión: concurso-oposición. Grupo C, subgrupo C1.

Denominación: capataz de obras. Sistema de provisión: concurso-oposición. Grupo C, subgrupo C2.

Solicitudes: presentaranse no modelo-tipo que figura como anexo I das bases da convocatoria, na forma establecida no artigo 16 da LPACAP.

Prazo de presentación: vinte (20) días naturais contados desde o seguinte ao da publicación do anuncio da convocatoria no BOE.

Os restantes e sucesivos anuncios inseriranse no taboleiro de anuncios electrónico e na web municipal, agás: as resolucións de aprobación da lista provisional e a definitiva de admitidos (que incluirá o nomeamento e convocatoria do Tribunal), coa publicación tamén no BOP; e a resolución de finalización do proceso e nomeamento da persoa aspirante seleccionada, que tamén se publicará no BOP e DOG.

Bueu, 20 de outubro de 2025

Félix Juncal Novas
Alcalde