Visto que, no citado persoal e correspondente relación de postos de traballo, figuran vacantes e dotadas orzamentariamente diversas prazas, cuxa cobertura se considera necesaria neste exercicio para o bo funcionamento dos servizos municipais.

Visto o informe de Secretaría e Intervención e considerando que a proposta foi obxecto de negociación coas organizacións sindicais máis representativas, por aplicación do disposto nos artigos 36.3, 37.1.c) e 37.1.l) do Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público (TREBEP).

Considerando que a aprobación da oferta de emprego público corresponde á Alcaldía, aprobouse a OEP 2025 mediante a Resolución da Alcaldía 889/2025, do 8 de outubro de 2025.

Advertido erro no grupo das prazas de auxiliares da dita OEP, en virtude do previsto no artigo 109.2 da Lei 39/2015 e no artigo 22.1.h) da Lei 7/1985, do 2 de abril, reguladora das bases do réxime local,

RESOLVO:

Primeiro. Corrixir a Resolución da Alcaldía 889/2025, do 8 de outubro de 2025, de aprobación da oferta de emprego público deste concello para o ano 2025, que contén os seguintes postos de traballo, nos seguintes termos:

Funcionarios de carreira:

Grupo	Escala	Subescala	Código RPT	Núm. vacantes	Denominación
C2	Admón. xeral	Auxiliar	1005	1	Auxiliar administrativo
C2	Admón. xeral	Auxiliar	5105	1	Auxiliar administrativo servizos sociais
C1	Admón. especial	Servicios especiais	7104	1	Axente policía local

Segundo. Publicar a oferta de emprego público na sede electrónica deste concello e no Diario Oficial de Galicia para xeral coñecemento e interposición dos recursos que, se é o caso, as persoas interesadas consideren oportuno.

Terceiro. Contra esta resolución as persoas interesadas poderán interpoñer, alternativamente, ou recurso de reposición potestativo ante a Alcaldía, no prazo dun mes contado desde o día seguinte ao da publicación, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo ante os xulgados do contencioso-administrativo de Carballo, no prazo de dous meses contado desde o día seguinte ao desta publicación, de conformidade co artigo 46 da Lei 29/1998, do 13 de xullo, da xurisdición contencioso-administrativa. Así mesmo, poderán exercer calquera outro recurso que consideren pertinente.

Coristanco, 31 de outubro de 2025

Juan Carlos García Pose
Alcalde