A Xunta de Goberno local, na sesión que tivo lugar o día 8.10.2025, adoptou o seguinte acordo:

Primeiro. Aprobar inicialmente o expediente de expropiación forzosa, polo procedemento de taxación conxunta, dos bens e dereitos que se necesitan ocupar para a execución do novo centro de saúde e outros equipamentos públicos, situados no barrio do Sagrado Corazón, en terreos cualificados como equipamento público.

Relación de bens e dereitos que se van expropiar:

Referencias catastrais	Superficie total de solo que se vai expropiar	Superficie construída total	Titularidade catastral	Titularidade rexistral
8239002PH1683N0001RK 8239002PH1683N0002TL 8239002PH1683N0003YB 8239002PH1683N0004UZ 8239002PH1683N0005IX 8239002PH1683N0006OM	5.641,57 m2	4.356,22 m2	Fundación Galicia Obra Social	NCG Banco, S.A. Fundación Especial Novacaixagalicia Obra Social

Segundo. Someter o proxecto de expropiación a información pública polo prazo dun mes, de conformidade co artigo 118.2 da LSG, para que aquelas persoas que poidan resultar interesadas formulen as observacións e reclamacións que xulguen convenientes, en particular no que atinxe á titularidade ou valoración dos seus respectivos dereitos.

Durante este prazo o expediente estará á disposición das persoas interesadas nas dependencias do Servizo de Urbanismo do Concello de Lugo.

A información pública efectuarase mediante a inserción de anuncios no Diario Oficial de Galicia, nun xornal dos de maior circulación da provincia e na páxina web do Concello de Lugo.

Terceiro. Notificarlles ás persoas que aparezan como titulares de bens ou dereitos no expediente, mediante o traslado literal da correspondente folla de valoración e da proposta de fixación dos criterios de valoración, para que poidan formular alegacións no prazo dun mes, contado a partir da data de notificación.

Lugo, 20 de outubro de 2025

O alcalde
P.D. (Decreto 2730/2025)
Jorge Bustos Atanasio
Concelleiro delegado de Urbanismo, Deportes e Xuventude