Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar», mediante este anuncio comunícanse a todas as persoas interesadas os pagamentos dos prezos xustos polos bens e dereitos afectados polo proxecto de adecuación LMTA BCR807 entre os apoios núm. 268 e CT 27AJ75 (Cervantes), que se realizarán na Casa do Concello de Cervantes, segundo o calendario e o horario que se sinalan no anexo.

Ao acto deberán comparecer as persoas propietarias ou titulares de dereitos sobre os bens afectados, por si mesmas ou representadas por unha persoa debidamente autorizada, e amosar o seu DNI/NIF, así como os documentos que acrediten a titularidade.

Lugo, 13 de novembro de 2025

Gustavo J. Casasola de Cabo
Director territorial de Lugo

ANEXO

Expediente: IN407A 2022/42 ATE.

Entidade beneficiaria: UFD Distribución Electricidad, S.A.

Denominación: adecuación LMTA BCR807 entre os apoios núm. 268 e CT 27AJ75 (Cervantes).

Convocatoria para o pagamento dos prezos xustos no Concello de Cervantes.

Concello	Titular	Día	Hora	Predio
Cervantes	Monte veciñal Donís	25.2.2026	10.30	2