DOG 240 do 12/12/2025 - RESOLUCIÓN do 11 de decembro de 2025, do tribunal designado para cualificar a proba de coñecemento da lingua galega dos procesos selectivos extraordinarios de estabilización derivados da Lei 20/2021, do 28 de decembro, de medidas urxentes para a redución da temporalidade no emprego público. Proba de galego, nivel Celga 3.

IV. Oposicións e concursos

Consellería de Facenda e Administración Pública

RESOLUCIÓN do 11 de decembro de 2025, do tribunal designado para cualificar a proba de coñecemento da lingua galega dos procesos selectivos extraordinarios de estabilización derivados da Lei 20/2021, do 28 de decembro, de medidas urxentes para a redución da temporalidade no emprego público. Proba de galego, nivel Celga 3.

Na sesión que tivo lugar o 11 de decembro de 2025, o tribunal nomeado pola Resolución do 20 de xullo de 2023 para cualificar a proba de coñecemento da lingua galega de todos os procesos selectivos extraordinarios de estabilización derivados da Lei 20/2021, do 28 de decembro, de medidas para a redución da temporalidade no emprego público (DOG núm. 141, do 26 de xullo),

ACORDOU:

Primeiro. De conformidade co disposto na base II das convocatorias publicadas polas resolucións do 22 de decembro de 2022 (DOG núm. 244, do 26 de decembro, e DOG núm. 245, do 27 de decembro), modificadas polas resolucións do 20 de xaneiro de 2023 (DOG núm. 15, do 23 de xaneiro) e do 6 de febreiro de 2023 (DOG núm. 26, do 7 de febreiro), así como na resolución deste tribunal do 29 de agosto de 2023 pola que se publican os parámetros para a cualificación da proba de coñecemento da lingua galega, o exercicio realizado aos aspirantes que non acreditaron estaren en posesión do Celga 3 ou equivalente valorouse como apto ou non apto, sendo preciso acadar un mínimo de vinte (20) respostas correctas para acadar a cualificación de apto.

Segundo. Unha vez efectuada a corrección dos exames realizados o 4 de decembro de 2025 na sesión do 11 de decembro de 2025, publícase no portal web corporativo da Xunta de Galicia funcionpublica.xunta.gal a cualificación como apto ou non apto das persoas aspirantes que se presentaron á citada proba de coñecemento da lingua galega.

Terceiro. De acordo coa base II das convocatorias, as persoas aspirantes poderán presentar as alegacións que consideren oportunas, no prazo de dez (10) días hábiles que se contarán desde o día seguinte ao da publicación desta resolución no DOG.

Cuarto. Contra este acordo poderase interpoñer recurso de alzada ante o conselleiro de Facenda e Administración Pública, nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 11 de decembro de 2025

Adrián Vázquez Espasandín
Presidente do tribunal