De conformidade coa proposta elevada polas comisións nomeadas para xulgar os concursos para a provisión de prazas dos corpos docentes universitarios, convocados mediante a Resolución desta universidade do 7 de xullo de 2025 (BOE do 15 de xullo), e presentada polas persoas interesadas a documentación a que fai referencia a base novena da convocatoria.

Este reitorado, en uso das atribucións conferidas polo artigo 50 da Lei orgánica 2/2023, do 22 de marzo, do sistema universitario (BOE do 23 de marzo), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro), e demais disposicións concordantes, resolve efectuar os nomeamentos das persoas que se relacionan no anexo.

Os citados nomeamentos producirán efectos a partir da correspondente toma de posesión polas persoas interesadas, que se deberá efectuar no prazo máximo de vinte (20) días contados desde o día seguinte ao da publicación desta resolución no Boletín Oficial del Estado.

No caso de que a persoa aspirante se encontre en situación de incapacidade temporal, o prazo para a toma de posesión comezará a partir do día seguinte hábil ao da data de finalización da alta médica, que deberá acreditar. Quedan exceptuadas do disposto neste parágrafo as situacións derivadas da maternidade ou paternidade, en que poderán tomar posesión durante esta situación.

Contra esta resolución, que pon fin á vía administrativa, poderase interpoñer recurso contencioso-administrativo, ante o Xulgado do Contencioso-Administrativo de Santiago de Compostela, no prazo de dous meses contados desde o seguinte ao da súa publicación no Boletín Oficial del Estado, de conformidade co establecido na Lei 29/1998, do 13 de xullo, reguladora da xurisdición contencioso-administrativa. Non obstante, as persoas interesadas poderán interpoñer recurso potestativo de reposición, no prazo dun mes, ante o órgano que ditou o acto, sen que neste caso se poida interpoñer o recurso contencioso-administrativo ata que non se dite resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 10 de decembro de 2025

Antonio López Díaz
Reitor da Universidade de Santiago de Compostela

ANEXO

Número de concurso	Nome	Apelidos	DNI	Corpo docente	Área de coñecemento	Departamento	Localidade	Código da praza
8T/25	Pilar	Gándara Vila	***9536**	Profesoras e profesores titulares de universidade	Estomatoloxía	Cirurxía e Especialidades Médico-Cirúrxicas	Santiago de Compostela	C02066
29T/25	Luis Antonio	Díaz Gómez	***7232**	Profesoras e profesores titulares de universidade	Farmacia e Tecnoloxía Farmacéutica	Farmacoloxía, Farmacia e Tecnoloxía Farmacéutica	Santiago de Compostela	C02087
30T/25	Ezequiel	Álvarez Castro	***0075**	Profesoras e profesores titulares de universidade	Farmacoloxía	Farmacoloxía, Farmacia e Tecnoloxía Farmacéutica	Santiago de Compostela	C02088
43T/25	Isabel	Hernando Morata	***9746**	Profesoras e Profesores Titulares de Universidade	Literatura Española	Lingua e Literatura Españolas, Teoría da Literatura e Lingüística Xeral	Santiago de Compostela	C02101
44T/25	Jerónimo	Rodríguez García	***0886**	Profesoras e profesores titulares de universidade	Matemática Aplicada	Matemática Aplicada	Santiago de Compostela	C02102
59T/25	Patricia	Alonso Ruido	***4601**	Profesoras e profesores titulares de universidade	Teoría e Historia da Educación	Pedagoxía e Didáctica	Santiago de Compostela	C02117
60T/25	Alejandro	Sotelino Losada	***5430**	Profesoras e profesores titulares de universidade	Teoría e Historia da Educación	Pedagoxía e Didáctica	Santiago de Compostela	C02118
61T/25	Jesús	García Álvarez	***4846**	Profesoras e profesores titulares de universidade	Teoría e Historia da Educación	Pedagoxía e Didáctica	Santiago de Compostela	C02119
68T/25	Alejandra	Cardelle Cobas	***1531**	Profesoras e profesores titulares de universidade	Nutrición e Bromatoloxía	Química Analítica, Nutrición e Bromatoloxía	Lugo	C02126
69T/25	Carolina Graciela	Nebot García	***4783**	Profesoras e profesores titulares de universidade	Nutrición e Bromatoloxía	Química Analítica, Nutrición e Bromatoloxía	Lugo	C02127