Aprobado inicialmente mediante o Acordo adoptado pola Xunta de Goberno, na sesión que tivo lugar o día 1 de decembro de 2025, o estudo de detalle por solicitude de Desarrallo Inmobiliario Friol, S.L., sobre as aliñacións ao fronte do vial, así como a servidume de paso existente no adosamento sur, en relación co proxecto de edificio de vivenda na praza Ponte Friol, no cal é de aplicación a ordenanza VN-CF da modificación puntual das normas subsidiarias publicadas no Boletín Oficial da provincia do 17 de abril de 1996.

De conformidade co disposto no artigo 80 da Lei 2/2016, do 10 de novembro, así como no artigo 194 do Decreto 143/2016, do 22 de setembro, polo que se aproba o Regulamento da Lei do solo de Galicia, someterase ao trámite de información pública polo prazo dun mes mediante anuncio que publicará no Diario Oficial de Galicia e no diario El Progreso. Durante o dito prazo, o expediente poderá examinarse nas dependencias municipais en horario de oficina, para os efectos de presentación das alegacións que se consideren pertinentes. Á vista do resultado da información pública, aprobarase definitivamente coas modificacións que, se é o caso, resulten pertinentes.

Friol, 1 de decembro de 2025

José Ángel Santos Sánchez
Alcalde presidente