Expediente: IN407A 2025/079-1.

Solicitante/promotor: UFD Distribución Electricidad, S.A.

Denominación: LMTS y substitución CT 15CWN5 (Pontedeume).

Concello: Pontedeume.

1. Características técnicas:

Desmantelamento do CT 15CWN5-Boebre Parga (expediente 1998/266) de 250 kVA; substitución por un novo CTC prefabricado con envolvente de formigón de 250 kVA/15 kV que se instalará en parcela próxima con referencia catastral 4248912NJ6044N0001SJ, situada no lugar de Boebre (Pontedeume).

Desmantelamento da derivada ao CT 15CWN5-Boebre Parga (expediente 1998/266) de 260 m de lonxitude en condutor LA-30, desde o apoio AP1UGXA2//80-19 ata o PAS situado no apoio AP703N8F//80-19-4 na que se realiza a transición a subterráneo que alimenta ao CT que se vai desmontar.

Proxéctase unha LMTS de 417 m de lonxitude en condutor RHZ1-150 desde a cela de liña do CT 15CBTS-Boebre Sixto (expediente 2004/133) ata a cela de liña do novo CT proxectado.

2. Lexislación de aplicación:

• Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

• Lei 40/2015, do 1 de outubro, do réxime xurídico do sector público (BOE núm. 236, do 2 de outubro).

• Lei 24/2013, do 26 de decembro, do sector eléctrico (BOE núm. 310, do 27 de decembro).

• Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

• Lei 9/2021, de 25 de febreiro, de simplificación administrativa e de apoio á reactivación económica de Galicia (DOG núm. 39, do 26 de febreiro).

• Resolución do 19 de febreiro de 2014 pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo).

• Lei do 16 de decembro de 1954, sobre expropiación forzosa (BOE núm. 351, do 17 de decembro).

• Decreto do 26 de abril de 1957 polo que se aproba o Regulamento da Lei de expropiación forzosa (BOE núm. 160, do 20 de xuño).

A relación concreta e individualizada dos bens e dereitos afectados que se considera de necesaria expropiación figura no anexo que se xunta con este acordo.

A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

A documentación estará a disposición das persoas interesadas nas dependencias da Sección de Enerxía do Departamento Territorial da Consellería de Economía e Industria da Coruña (rúa Vicente Ferrer, núm. 2, 2º andar, 15071 A Coruña), das 9.00 ás 14.00 horas, de luns a venres, así como no taboleiro de anuncios do concello. Ademais, poderá consultarse no Portal de transparencia e goberno aberto desta consellería:

https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte

Isto faise público para coñecemento xeral e particular das persoas propietarias dos predios que figuran na relación anexa a este acordo, así como das persoas titulares de dereitos reais ou intereses económicos sobre os bens afectados que fosen omitidos. Poderán examinar a documentación técnica, e, de ser o caso, achegar as alegacións ou observacións que estimen axeitadas no prazo de trinta (30) días, contados a partir do día seguinte ao da derradeira publicación deste acordo.

A Coruña, 4 de decembro de 2025

Isidoro Martínez Arca
Director territorial da Coruña

ANEXO

Relación de bens e dereitos afectados. Termo municipal de Pontedeume
(expediente IN407A 2025/079-1)

Nº parcela	Lugar referencia catastral	Cultivo	Propietaria	Afección de solo en pleno dominio		Afección de solo por servidume de paso de enerxía eléctrica
				Apoio nº	m2	ml aér.	ml sot.	m2 aér.	m2 sot.
1	Lg Sisto 4248912NJ6044N0001SJ	Urbana	Inés Castelos Vázquez	CT + acceso	31.22

Abreviacións:

ml aér: lonxitude da servidume aérea en metros lineais.

ml sot: lonxitude da servidume soterrada en metros lineais.

m2 aér: superficie de servidume aérea en m2.

m2 sot: superficie de servidume soterrada.