En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Manuel Otero López en representación da Comunidade de Usuarios de Toucedo.

Expediente: DH.A36.110640.

Volume total anual: 966,42 m3/ano.

Caudal máximo instantáneo: 0,2 l/s.

Destino: abastecemento.

Orixe: dous (2) mananciais nas parcelas 263 e 275 do polígono 503 do catastro de Cuntis.

Lugar: A Igrexa.

Parroquia: Piñeiro.

Concello: Cuntis.

Descrición:

A auga condúcese a distribuidor en parcela 275, polígono 503 do que parten tubaxes cara ás vivendas que abastece a Comunidade. Preténdese substituír distribuidor por caseta que conterá seis depósitos individuais.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa San Salvador, 2-4º, 36240 Vigo (Pontevedra).

Os interesados poderán presentar alegacións durante o prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Vigo, 26 de novembro de 2025

Susana Pérez González
Xefa do Servizo Territorial da Zona Hidrográfica de Galicia Sur