Unha vez realizado o acto de elección de destino definitivo previsto na Resolución do 11 de decembro de 2025 (DOG núm. 240, do 12 de decembro), modificada pola Resolución do 17 de decembro de 2025 (DOG núm. 245, do 19 de decembro) ao que foi convocado o persoal funcionario que superou o proceso selectivo para o ingreso no corpo de técnicos de carácter facultativo de Administración especial, grupo B, escala técnica do servizo de prevención e defensa contra incendios forestais, convocado pola Resolución do 25 de agosto de 2021 (DOG núm. 170, do 3 de setembro), pola Resolución do 22 de decembro de 2022 (DOG núm. 244, do 26 de decembro) e pola Resolución do 15 de decembro de 2023 (DOG núm. 243, do 26 de decembro), esta consellería

RESOLVE:

Primeiro. Nomear persoal funcionario de carreira do corpo de técnicos de carácter facultativo de Administración especial, grupo B, escala técnica do servizo de prevención e defensa contra incendios forestais, as persoas aspirantes que superaron o proceso selectivo convocado pola Resolución da Consellería de Facenda e Administración Pública do 22 de decembro de 2022 (DOG núm. 244, do 26 de decembro) e que se relacionan no anexo desta resolución, ordenadas de acordo coa puntuación final obtida, e adxudicarlles como destinos definitivos os que figuran no mesmo anexo.

Segundo. Adxudicar con carácter definitivo os postos que figuran no anexo desta resolución ao persoal funcionario que superou o proceso selectivo para o ingreso no corpo de técnicos de carácter facultativo de Administración especial, grupo B, escala técnica do servizo de prevención e defensa contra incendios forestais, convocado pola Resolución do 25 de agosto de 2021 (DOG núm. 170, do 3 de setembro) e pola Resolución do 15 de decembro de 2023 (DOG núm. 243, do 26 de decembro).

Terceiro. De conformidade co disposto na Lei 2/2015, do 29 de abril, do emprego público de Galicia, e no artigo 8 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico, o prazo da toma de posesión comezará a contarse a partir do día seguinte ao do cesamento e será de tres (3) días hábiles se non implica cambio de residencia, ou de sete (7) días hábiles se comporta cambio de residencia.

O cesamento deberá efectuarse o día 19 de xaneiro de 2026.

Se a adxudicación comporta o reingreso ao servizo activo, o prazo de toma de posesión será dun (1) mes e deberá computarse a partir do día seguinte ao da publicación desta resolución no Diario Oficial de Galicia.

Non obstante, o prazo posesorio para o persoal aspirante que superou o proceso de estabilización derivado da Lei 20/2021, do 28 de decembro, de medidas urxentes para a redución da temporalidade no emprego público, e que foi convocado polas resolucións do 22 de decembro de 2022 (DOG núm. 244, do 26 de decembro, e DOG núm. 245, do 27 de decembro), será dun (1) mes a partir do día seguinte ao da publicación desta resolución no Diario Oficial de Galicia.

No caso de que a persoa aspirante se encontre en situación de incapacidade temporal, o prazo para a toma de posesión comezará a partir do día seguinte hábil ao da data de finalización da baixa médica, que deberá acreditar. Quedan exceptuadas do disposto neste parágrafo as situacións derivadas da maternidade ou paternidade, que poderán tomar posesión durante esta situación.

Cuarto. Contra esta resolución, que pon fin á vía administrativa, poderase presentar recurso potestativo de reposición ante o conselleiro de Facenda e Administración Pública no prazo dun (1) mes contado desde o día seguinte ao da publicación desta resolución no Diario Oficial de Galicia, ou directamente recurso contencioso-administrativo, no prazo de dous (2) meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 16 de xaneiro de 2026

O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
Nuria Aguilar Vázquez
Directora xeral de Emprego Público e Administración de Persoal

ANEXO

Elección de destino definitivo do corpo de técnicos de carácter facultativo de Administración especial, grupo B, escala técnica do servizo de prevención e defensa contra incendios forestais

Nº orde de elección de destino	DNI	Apelidos e nome	Posto elixido	Código do posto	Denominación	Cons.	Centro destino	Centro directivo	Concello	Subgrupo	Nivel	Observacións
1	***4076**	Aneiros Chao, José Carlos	15	MRC995014132840078	Bombeiro/a forestal xefe/a de brigada	MR	Comarca Forestal: Verín	Servizos periféricos	Verín	C1	20	Horario especial
2	***6842**	Nogueira Caramés, José Luis	12	MRC995016136240066	Bombeiro/a forestal xefe/a de brigada	MR	Comarca Forestal: Deza	Servizos periféricos	Lalín	C1	20	Horario especial
3	***2226**	Luis Martínez, Diego de	7	MRC995008227160064	Bombeiro/a forestal xefe/a de brigada	MR	Comarca Forestal: Chantada	Servizos periféricos	Chantada	C1	20	Horario especial
4	***3803**	Cerqueiras Saborido, Sergio	9	MRC995001115350057	Bombeiro/a forestal xefe/a de brigada	MR	Comarca Forestal: Ferrol	Servizos periféricos	Ferrol	C1	20	Horario especial
5	***1299**	Domínguez Gil, Daniel	10	MRC995018236530070	Bombeiro/a forestal xefe/a de brigada	MR	Comarca Forestal: Baixo Miño	Servizos periféricos	Tomiño	C1	20	Horario especial
6	***1170**	Couce Cabana, Augusto	22	MRC995001315680058	Bombeiro/a forestal xefe/a de brigada	MR	Comarca Forestal: Eume	Servizos periféricos	Pontedeume	C1	20	Horario especial
7	***3226**	Puga Barreiro, Marcos	5	MRC995011132190067	Bombeiro/a forestal xefe/a de brigada	MR	Comarca Forestal: O Carballiño	Servizos periféricos	O Carballiño	C1	20	Horario especial
8	***7625**	Sánchez Román, Pablo Vicente	19	MRC995017136300251	Bombeiro/a forestal xefe/a de brigada helitransportada	MR	Comarca Forestal: O Condado (Mondariz)	Servizos periféricos	Mondariz	C1	21	Horario especial/Proba física pack test (R.I.)
9	***8855**	Infante Tenreiro, Juan Esteban	3	MRC995007127060071	Bombeiro/a forestal xefe/a de brigada	MR	Comarca Forestal: Os Ancares	Servizos periféricos	Becerreá	C1	20	Horario especial
10	***7961**	Fernández Monteagudo, Francisco	11	MRC995007227180064	Bombeiro/a forestal xefe/a de brigada	MR	Comarca Forestal: A Fonsagrada	Servizos periféricos	A Fonsagrada	C1	20	Horario especial
11	***3582**	Expósito López, Abel	4	MRC995013132090260	bombeiro/a forestal xefe/a brigada helitransportada	MR	Comarca Forestal: Terra de Valdeorras	Servizos periféricos	O Barco de Valdeorras	C1	21	Horario especial/Proba física pack test (R.I.)
12	***7719**	Carballo Valcarce, José Manuel	1	MRC995010227280033	Bombeiro/a forestal xefe/a de brigada	MR	Comarca Forestal: Meira	Servizos periféricos	Meira	C1	20	Horario especial
13	***3788**	López Fernández, David	21	MRC995008327490052	Bombeiro/a forestal xefe/a de brigada	MR	Comarca Forestal: Quiroga	Servizos periféricos	Quiroga	C1	20	Horario especial
14	***6410**	Reboiro López, José Manuel	8	MRC995013132090039	Bombeiro/a forestal xefe/a de brigada	MR	Comarca Forestal: Terra de Valdeorras	Servizos periféricos	O Barco de Valdeorras	C1	20	Horario especial
15	***2563**	Núñez Álvarez, Hilario	13	MRC995013232230073	Bombeiro/a forestal xefe/a de brigada	MR	Comarca Forestal: Terra de Caldelas - Terra de Trives	Servizos periféricos	Castro Caldelas	C1	20	Horario especial
16	***3088**	Dos Santos Sarmiento, Víctor	23	MRC995014132840077	Bombeiro/a forestal xefe/a de brigada	MR	Comarca Forestal: Verín	Servizos periféricos	Verín	C1	20	Horario especial
17	***6208**	Castro García, Ana Belén	6	MRC995003115580072	Bombeiro/a forestal xefe/a de brigada	MR	Comarca Forestal: Ordes-Santiago	Servizos periféricos	Ordes	C1	20	Horario especial