Antecedentes:
1. O día 17 de decembro de 2025, Francisco Otero Otero e Elena Otero Otero solicitaron autorización para a transmisión mortis causa, mediante pacto de mellora, das concesións administrativas das bateas Carmona e Jesús I.
2. As persoas interesadas achegaron a documentación requirida para a súa tramitación.
3. O día 29 de decembro de 2025, a persoa titular do Departamento Territorial da Consellería do Mar en Vigo acordou, de oficio, a acumulación dos expedientes mencionados.
Consideracións legais e técnicas:
1. Este órgano é competente para resolver os expedientes de conformidade coa Lei 11/2008, do 3 de decembro, de pesca de Galicia (DOG núm. 243, do 16 de decembro), e coa Orde do 21 de febreiro de 2022 sobre delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia (DOG núm. 41, do 1 de marzo).
2. A Lei 2/2006, do 14 de xuño, de dereito civil de Galicia (DOG núm. 124, do 29 de xuño), nos seus artigos 209 e seguintes regula os pactos sucesorios como negocios mortis causa, e con forma de pactos de apartación ou de mellora.
3. Os expedientes seguiron todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG núm. 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia (DOG núm. 126, do 2 de xullo).
De acordo con todo o indicado,
RESOLVO:
Autorizar a transmisión mortis causa, mediante pacto de mellora, das concesións administrativas dos seguintes viveiros:
Tipo: batea.
Nome: Carmona.
Situación:
Cuadrícula nº: 180.
Polígono: C.
Distrito: Cambados (Pontevedra).
Especie autorizada: mexillón (Mytilus galloprovincialis).
Título habilitante: concesión de actividade.
Orde de outorgamento: 31.10.1972.
Remate da vixencia: 15.12.2029.
Actuais titulares: Ramón Otero Oubiña (***3580**) e María Teresa Otero Cañón (***4693**).
Novos titulares: Francisco Otero Otero (***7379**) e Elena Otero Otero (***7379**).
Tipo: batea.
Nome: Jesús I.
Situación:
Cuadrícula nº: 18.
Polígono: A.
Distrito: Cambados (Pontevedra).
Especie autorizada: mexillón (Mytilus galloprovincialis).
Título habilitante: concesión de actividade.
Orde de outorgamento: 14.10.1970.
Remate da vixencia: 15.12.2029.
Actuais titulares: Ramón Otero Oubiña (***3580**) e María Teresa Otero Cañón (***4693**).
Novos titulares: Francisco Otero Otero (***7379**) e Elena Otero Otero (***7379**).
Os novos titulares das concesións subróganse nos dereitos e nas obrigas dos anteriores desde o momento da publicación desta resolución no Diario Oficial de Galicia.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e no artigo 46.1 da Lei 29/1998, do 13 de xullo, reguladora da xurisdición contencioso-administrativa (BOE núm. 167, do 14 de xullo).
Vigo, 29 de decembro de 2025
A conselleira do Mar
P.D. (Orde do 21.2.2022)
María Elena Suárez Sarmiento
Directora territorial de Vigo