DOG 20 do 30/1/2026 - ACORDO do 8 de xaneiro de 2026, do Departamento Territorial da Coruña, polo que se somete a información pública a solicitude de outorgamento das autorizacións administrativas previa e de construción e de declaración de utilidade pública, en concreto, dunha instalación de distribución de enerxía eléctrica no concello de Arteixo (expediente IN407A 2024/220-1).

VI. Anuncios

a) Administración autonómica

Consellería de Economía e Industria

ACORDO do 8 de xaneiro de 2026, do Departamento Territorial da Coruña, polo que se somete a información pública a solicitude de outorgamento das autorizacións administrativas previa e de construción e de declaración de utilidade pública, en concreto, dunha instalación de distribución de enerxía eléctrica no concello de Arteixo (expediente IN407A 2024/220-1).

Expediente: IN407A 2024/220-1.

Solicitante/promotora: UFD Distribución Electricidad, S.A.

Denominación: Regulamentación CT Monteagudo-15CW41 e adecuación LMT.

Concello: Arteixo.

1. Características técnicas:

Centro de transformación prefabricado con envolvente de formigón 2L + 1P de 250 kVA/ 15 kV, con relación de transformación 15.000/400 V.

Liña eléctrica de media tensión aérea, a 15 kV, con orixe no apoio existente B-21-14 da LMTA LAR707 e final no apoio metálico de celosía que se intercalará na LMT LAR707, con 319 m de van retensado.

Liña eléctrica de media tensión aérea, a 15 kV, con orixe en apoio B-21-19 que se substituirá da LMTA LAR707 e final no apoio B-21-20 existente, con 125 m de van retensado.

Liña eléctrica de media tensión soterrada, a 15 kV, con orixe no novo apoio B-21-16 e fin na cela de liña do CT proxectado, en condutor RHZ1-2OL 12/20 kV 3(1×240) mm² Al, cunha lonxitude de 22 m.

Liña eléctrica de media tensión soterrada, a 15 kV, con orixe no apoio que se substituirá B-21-19 e fin na cela de liña do CT proxectado, en condutor RHZ1-2OL 12/20 kV 3(1×240) mm² Al, cunha lonxitude de 444 m.

2. Lexislación de aplicación:

• Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

• Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

• Lei 24/2013, do 26 de decembro, do sector eléctrico (BOE núm. 310, do 27 de decembro).

• Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

• Lei 9/2021, do 25 de febreiro, de simplificación administrativa e de apoio á reactivación económica de Galicia (DOG núm. 39, do 26 de febreiro).

• Resolución do 19 de febreiro de 2014 pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo).

• Lei do 16 de decembro de 1954, sobre expropiación forzosa (BOE núm. 351, do 17 de decembro).

• Decreto do 26 de abril de 1957 polo que se aproba o Regulamento da Lei de expropiación forzosa (BOE núm. 160, do 20 de xuño).

A relación concreta e individualizada dos bens e dereitos afectados que se considera de necesaria expropiación figura no anexo que se xunta con este acordo.

A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

A documentación estará á disposición das persoas interesadas nas dependencias da Sección de Enerxía do Departamento Territorial da Consellería de Economía e Industria da Coruña (rúa Vicente Ferrer, nº 2, 2º andar, 15071 A Coruña), das 9.00 e ás 14.00 horas, de luns a venres, así como no taboleiro de anuncios do Concello. Ademais, poderá consultarse no Portal de transparencia e Goberno aberto desta consellería:

https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte

Isto faise público para o coñecemento xeral e particular das persoas propietarias dos predios que figuran na relación anexa a este acordo, así como das persoas titulares de dereitos reais ou intereses económicos sobre os bens afectados que fosen omitidos. Poderán examinar a documentación técnica e, de ser o caso, achegar as alegacións ou observacións que consideren axeitadas no prazo de 30 días, contados a partir do día seguinte ao da última publicación deste acordo.

A Coruña, 8 de xaneiro de 2026

Isidoro Martínez Arca
Director territorial da Coruña

ANEXO

Relación de bens e dereitos afectados

Expediente IN407A 2024/220-1.

Concello de Arteixo.

Nº de parcela	Lugar e referencia catastral	Cultivo	Propietario/a	Afección de solo en pleno dominio		Afección de solo por servidume de paso de enerxía eléctrica
Nº de parcela	Lugar e referencia catastral	Cultivo	Propietario/a	Apoio núm.	m2	ml aér.	ml sot.	m2 aér.	m2 sot.
1	Agra de Monteagudo. Arteixo 15005A029003710000PW	Rústico/agrario	Celsa Carracedo Martínez	Apoio + CTI	35,45		4		16
2	Leira de Arriba. Arteixo 15005A026001830000PU	Rústico	Descoñecido	Apoio	2		1		11

Abreviacións:

ml aér.: lonxitude da servidume aérea en metros lineais.	ml sot.: lonxitude da servidume soterrada en metros lineais.
m2 aér.: superficie de servidume aérea en m2.	m2 sot.: superficie de servidume soterrada.