En vista da proposta da Subdirección de Protección do Patrimonio Cultural, sobre a convocatoria do Premio Elías Valiña 2025 mediante a Orde do 2 de maio de 2025, para distinguir o labor revitalizador dos valores propios dos Camiños de Santiago, e estando conforme con esta en todos os seus termos,

RESOLVO:

Concederlle o Premio Elías Valiña 2025, para distinguir o labor revitalizador dos valores propios dos Camiños de Santiago, dotado cunha contía económica de 15.000,00 € (quince mil euros) con cargo á aplicación orzamentaria 13.04.433A.0781.0, que figura dotada no orzamento de gastos da Comunidade Autónoma de Galicia para 2025, á seguinte entidade:

– Confraternity Saint James, Croacia.

E facerlle a mención especial, prevista no artigo 2.1 da orde da convocatoria, a Laima Liucija Andrikienè.

Santiago de Compostela, 8 de xaneiro de 2026

O conselleiro de Cultura, Lingua e Xuventude
P.D. (Orde do 2.5.2025)
Ángel Miramontes Carballada
Director xeral de Patrimonio Cultural