De acordo co establecido no artigo 28 da Lei 4/2014, do 1 de abril, básica de cámaras oficiais de comercio, industria, servizos e navegación; o artigo 24 da Lei 5/2004, do 8 de xullo, de cámaras oficiais de comercio, industria e navegación de Galicia, polo que se regulan as funcións da secretaría xeral nas cámaras oficiais de comercio; e do artigo 40 e seguintes do Regulamento de réxime interior da Cámara Oficial de Comercio, Industria, Servizos e Navegación de Santiago de Compostela, o Comité Executivo da entidade cameral, en sesión do 26 de xaneiro de 2026, acordou a convocatoria pública do concurso de méritos para a provisión da praza de Secretaría Xeral da citada Cámara.

As bases da convocatoria e os seus anexos correspondentes están dispoñibles na páxina web da Cámara de Comercio de Santiago www.camaracompostela.com e no taboleiro de anuncios da entidade.

Os/as aspirantes dispoñerán dun prazo de quince (15) días naturais, contados a partir do día seguinte ao da publicación do anuncio da convocatoria no Diario Oficial de Galicia (DOG), para a presentación de solicitudes.

Santiago de Compostela, 3 de febreiro de 2026

María Pais Fajín
Presidenta da Cámara Oficial de Comercio, Industria,
Servizos e Navegación de Santiago de Compostela