No Diario Oficial de Galicia núm. 197, do 29 de setembro de 2020, publicouse o Decreto 165/2020, do 17 de setembro, polo que se regula o deporte de alto nivel, de alto rendemento e de rendemento deportivo de base de Galicia, a través do cal, no seu artigo 39, se recoñecen os núcleos de adestramento deportivo especializado como o conxunto de medios humanos e materiais xestionados por unha federación deportiva, club deportivo ou sociedade anónima deportiva inscritos no Rexistro de Entidades Deportivas de Galicia que teña por finalidade a preparación técnico-deportiva orientada ao alto nivel ou ao alto rendemento deportivo.
A través da Orde do 23 de xuño de 2021 pola que se establecen os criterios técnico-deportivos para a obtención das condicións de persoa deportista de alto nivel, alto rendemento deportivo e rendemento deportivo de base, e os criterios deportivos para o recoñecemento dos núcleos de adestramento deportivo especializado, no artigo 7 determínanse os criterios deportivos para os núcleos de adestramento especializado.
Os proxectos recoñecidos correspóndense co interese estratéxico deportivo da propia Comunidade Autónoma, encamiñado á participación dos deportistas galegos e das deportistas galegas en xogos olímpicos ou paralímpicos, campionatos do mundo, campionatos de Europa e outras competicións internacionais de máximo nivel.
Na súa consecuencia, atendendo á proposta da Secretaría Xeral para o Deporte do 29 de xaneiro de 2026, con base nos acordos adoptados pola Comisión galega de avaliación do alto nivel deportivo, a Consellería de Presidencia, Xustiza e Deportes
RESOLVE:
Artigo único
Dar publicidade da relación dos núcleos de adestramento deportivo especializado recoñecidos ata o momento pola Consellería de Presidencia, Xustiza e Deportes, así como o período de vixencia do seu recoñecemento. A relación incorpórase no anexo desta resolución.
Santiago de Compostela, 30 de xaneiro de 2026
Diego Calvo Pouso
Conselleiro de Presidencia, Xustiza e Deportes
ANEXO
Núcleos de adestramento deportivo especializado-NADES
|
Entidade |
Resolución |
Vixencia |
Modalidade |
Concello |
|
|
1 |
Club Halterofilia Coruña |
25.5.2022 |
25.5.2026 |
Halterofilia |
A Coruña |
|
2 |
Club Fluvial de Lugo |
22.11.2023 |
22.11.2027 |
Piragüismo |
Lugo |
|
3 |
Federación Galega de Kárate e D.A. |
22.11.2023 |
22.11.2027 |
Karate |
Santiago |
|
4 |
Club de Loitas Olímpicas Vilalba |
22.11.2023 |
22.11.2027 |
Loita |
Vilalba, Lugo |
|
5 |
Real Club Deportivo Coruña |
19.1.2023 |
19.1.2027 |
Fútbol |
A Coruña |
|
6 |
Club Taekwondo Sport Videlgi |
17.1.2023 |
17.1.2027 |
Taekwondo |
Ribeira, A Coruña |
|
7 |
Federación Galega de Atletismo, Club Santa Uxía de Ribeira |
29.1.2025 |
29.1.2029 |
Atletismo |
Ribeira, A Coruña |
|
8 |
Club de Ximnasia Universidade da Coruña. Terra Sports Academy |
29.1.2025 |
29.1.2029 |
Ximnasia artística |
A Coruña |
|
9 |
Club Ximnasia Pavillón Ourense |
8.8.2025 |
8.8.2029 |
Ximnasia trampolín |
Ourense |
|
10 |
Federación Galega de Hockey |
29.1.2026 |
29.1.2030 |
Hóckey |
Ourense |
|
11 |
Club Kayak Tudense |
29.1.2026 |
29.1.2030 |
Piragüismo |
Tui, Pontevedra |
|
12 |
Club Boxeo Kickboxing Coruña |
29.1.2026 |
29.1.2030 |
Boxeo kickboxing |
A Coruña |
|
13 |
Federación Galega de Squash, Club Squash |
29.1.2026 |
29.1.2030 |
Squash |
Vigo-Santiago |
|
14 |
Club Tríatlon Cidade de Lugo Fluvial |
29.1.2026 |
29.1.2030 |
Tríatlon |
Lugo |
|
15 |
Club de Remo Cabo de Cruz |
29.1.2026 |
29.1.2030 |
Remo |
Boiro, A Coruña |