A Corporación de Servizos Audiovisuais de Galicia, S.A. (en diante, CSAG) é unha sociedade mercantil pública autonómica do artigo 102 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, que ten encomendada a xestión do servizo público de comunicación audiovisual competencia da Comunidade Autónoma de Galicia.

As resolucións do 18 de decembro de 2023, do 4 de decembro de 2024 e do 16 de decembro de 2025, da Dirección Xeral da Corporación (DOG núm. 242, do 22 de decembro; núm. 250, do 30 de decembro; e núm. 245, do 19 de decembro) aprobaron as ofertas de emprego público correspondente aos anos 2023, 2024 e 2025, respectivamente. A enumeración das prazas que se incluíron nas mencionadas ofertas, que son obxecto desta convocatoria, recolleuse no anexos I das ditas resolucións.

As bases do proceso selectivo están expostas na páxina web da Corporación (http://www.csag.gal/). O prazo de presentación de solicitudes abrirase o día seguinte ao da publicación deste anuncio e terá unha duración de 20 días hábiles. Todas as publicacións e notificacións que a partir deste momento se orixinen como consecuencia deste proceso selectivo faranse públicas na indicada páxina web.

Santiago de Compostela, 2 de febreiro de 2026

María Concepción Pombo Romero
Directora xeral da Corporación de Servizos Audiovisuais de Galicia, S.A.