A base oitava da Resolución da Dirección Xeral de Recursos Humanos do 19 de decembro de 2023 (Diario Oficial de Galicia núm. 246, do 29 de decembro), pola que se convoca concurso-oposición para o ingreso na categoría de grupo auxiliar da función administrativa, en prazas reservadas para seren cubertas por persoas que acrediten discapacidade intelectual, do Servizo Galego de Saúde, dispón que, contra os resultados da baremación provisional, os/as aspirantes que o consideren oportuno poderán presentar reclamación ante o propio tribunal no prazo de dez días hábiles contados a partir do seguinte ao da súa publicación no Diario Oficial de Galicia.

En vista das reclamacións presentadas ou apreciado de oficio polo órgano de selección algún erro material na baremación provisional asignada aos/ás aspirantes, o tribunal efectuará as oportunas correccións e aprobará as puntuacións definitivas da fase de concurso e a relación de aspirantes seleccionados/as, pola orde de puntuación alcanzada nas diferentes quendas de acceso, e elevará esta relación á autoridade convocante para a súa publicación no Diario Oficial de Galicia.

De conformidade co anteriormente exposto, esta dirección xeral, como órgano convocante do proceso,

RESOLVE:

Primeiro. Publicar na páxina web do Servizo Galego de Saúde (www.sergas.es) o acordo do tribunal relativo á puntuación definitiva da fase de concurso obtida polas persoas aspirantes que superaron a fase de oposición do proceso selectivo para o ingreso na categoría de grupo auxiliar da función administrativa, en prazas reservadas para seren cubertas por persoas que acrediten discapacidade intelectual, convocado pola Resolución do 19 de decembro de 2023.

Cada aspirante poderá consultar, ademais, o detalle da puntuación obtida nas distintas epígrafes do baremo, no seu expediente electrónico persoal en Fides/expedient-e/sección de procesos.

Segundo. Publicar, como anexo a esta resolución, a relación dos/das aspirantes seleccionados/as neste proceso, segundo a orde de puntuación acadada de conformidade co número de prazas convocadas.

Terceiro. De conformidade coa base 9.1 da convocatoria e o artigo 16.2 do Decreto 206/2005, do 22 de xullo, de provisión de prazas de persoal estatutario do Servizo Galego de Saúde, os/as aspirantes seleccionados/as que se relacionan no anexo desta resolución disporán do prazo de dez días hábiles contado desde o día seguinte ao da súa publicación para a presentación da seguinte documentación:

a) Declaración, baixo a súa responsabilidade, de non ter sido separado/a do servizo, mediante expediente disciplinario, de calquera servizo de saúde ou Administración pública nos seis anos anteriores, nin estar inhabilitado/a con carácter firme para o exercicio de funcións públicas nin, de ser o caso, para a correspondente profesión.

No caso dos/das nacionais doutro Estado, non encontrarse inhabilitado/a, por sanción ou pena, para o exercicio profesional ou para o acceso a funcións ou servizos públicos nun Estado membro, nin ser separado/a, por sanción disciplinaria, dalgunha das administracións ou servizos públicos nos seis anos anteriores.

b) Certificado médico acreditativo de non padecer enfermidade nin defecto físico que o/a imposibiliten para o exercicio das funcións propias da categoría.

c) Por exixencia do artigo 57 da Lei orgánica 8/2021, do 4 de xuño, de protección integral á infancia e á adolescencia fronte á violencia, certificación do Rexistro Central de Delincuentes Sexuais e de Trata de Seres Humanos de non ter sido condenado/a por sentenza firme por algún delito contra a liberdade e indemnidade sexual ou, na súa falta, autorización escrita ao Servizo Galego de Saúde para consultar os datos contidos no citado rexistro e solicitar no seu nome a oportuna certificación.

Esta autorización deberá presentarse no modelo que para o efecto consta na páxina web do Servizo Galego de Saúde, no punto relativo ao emprego público (www.sergas.es/emprego público).

d) Declaración, baixo a súa responsabilidade, de non ter a condición de persoal estatutario fixo da mesma categoría a que opta.

e) Os/as participantes deberán achegar neste momento, ademais da documentación anterior, orixinal ou certificación compulsada acreditativa do mantemento do grao de discapacidade exixido para acceder pola quenda de discapacidade intelectual, de non ter carácter definitivo a resolución pola que se lle recoñeceu a discapacidade, e que foi achegada ao inicio do proceso selectivo.

De conformidade coa base 9.2 da Resolución do 19 de decembro de 2023, os/as que dentro do prazo fixado non presentasen a documentación ou do exame dela se deducise que carecen dalgún dos requisitos para participar no proceso selectivo, non poderán ser nomeados/as persoal estatutario fixo e quedarán anuladas as súas actuacións, sen prexuízo da responsabilidade en que incorresen por falsidade na solicitude inicial.

Cuarto. A documentación requirida nesta resolución deberá presentarse nun rexistro administrativo ou a través de calquera dos procedementos previstos no artigo 16 da Lei 39/2015, do 1 de outubro, do procedemento administrativo común das administracións públicas, e deberase dirixir á Dirección Xeral de Recursos Humanos do Servizo Galego de Saúde, Edificio Administrativo San Lázaro, s/n, 15703 Santiago de Compostela.

Quinto. Esta resolución poderá ser impugnada nos termos previstos na base XI da resolución de convocatoria do proceso.

Santiago de Compostela, 4 de febreiro de 2026

María del Mar Pousa Cobas
Directora xeral de Recursos Humanos

ANEXO

Núm. de orde	DNI	Apelidos e nome	Acceso	Nota de oposición	Formación	Experiencia profesional	Puntuación total
1	***7413**	Reigia Pose, Andrea	LI	99,000	8,000	0,000	107,000
2	***6859**	Dequidt Carretero, María Tatiana	LI	96,000	8,000	2,900	106,900
3	***9625**	Rodríguez Rey, Lucía	LI	100,000	1,710	4,150	105,860
4	***8952**	Seoane Rosende, Carina	LI	96,000	8,000	1,400	105,400
5	***1702**	Barcia Rodríguez, Daniel	LI	94,000	0,000	11,300	105,300
6	***3893**	Criado Casal, Alejandro	LI	97,000	8,000	0,250	105,250
7	***5834**	Fernández Porto, Lara María	LI	96,000	8,000	0,000	104,000
8	***8971**	Paz Rolán, Michael	LI	96,000	8,000	0,000	104,000
9	***1101**	Del Moral Queiro, Pedro	LI	96,000	8,000	0,000	104,000
10	***4639**	Rodríguez Prol, Iñaki	LI	94,000	8,000	0,000	102,000
11	***4141**	Montenegro Díaz, Lidia	LI	96,000	4,200	0,000	100,200
12	***9424**	Mariño Somoza, Luis	LI	91,000	8,000	1,000	100,000
13	***5555**	Sáez González, Andrés	LI	91,000	8,000	0,450	99,450
14	***0200**	Malingre Gajino, Carlota	LI	91,000	8,000	0,400	99,400
15	***1363**	Fuentes Lista, Alejandra	LI	90,000	8,000	1,250	99,250
16	***8975**	Jiménez Lorda, Pablo	LI	90,000	8,000	1,200	99,200
17	***0822**	Agrelo Suárez, Marina Cristina	LI	91,000	8,000	0,000	99,000
18	***7239**	Conde Figueroa, Rebeca	LI	90,000	8,000	0,300	98,300
19	***6700**	Vergara Rodríguez, María Victoria	LI	90,000	8,000	0,000	98,000
20	***9712**	Souto Fariñas, Pablo	LI	89,000	8,000	0,450	97,450
21	***9243**	Fernández Viaño, Álvaro	LI	97,000	0,000	0,000	97,000
22	***9038**	Bermejo González, Adrián	LI	96,000	0,750	0,000	96,750
23	***4360**	Varela García, Noemí	LI	93,000	2,640	0,650	96,290
24	***7380**	Rodríguez López, Alexandre	LI	91,000	5,100	0,000	96,100
25	***8309**	Pardo Pensado, Fernando	LI	96,000	0,000	0,000	96,000
26	***6411**	Rodríguez López, Lucas	LI	88,000	7,890	0,000	95,890
27	***8023**	Ramallo Sánchez, Laura	LI	87,000	8,000	0,000	95,000
28	***5941**	Souto Obarrio, Javier	LI	87,000	8,000	0,000	95,000
29	***1777**	Silva Míguez, Tiago	LI	91,000	3,630	0,000	94,630
30	***8269**	Besteiro Corral, Marta	LI	93,000	1,500	0,000	94,500
31	***1363**	Fuentes Lista, Andrea	LI	84,000	8,000	1,500	93,500
32	***9035**	Miguéns García, Óscar	LI	87,000	6,060	0,200	93,260
33	***5092**	López Larriba, Fernando Ramón	LI	85,000	8,000	0,000	93,000
34	***0226**	López Vicario, María	LI	84,000	8,000	0,750	92,750
35	***7399**	Blanco Ramos, Hilda	LI	84,000	8,000	0,700	92,700
36	***4597**	Pérez Rama, María José	LI	81,000	3,720	7,300	92,020
37	***1766**	Nieto de Almeida Ruso, María Belén	LI	84,000	8,000	0,000	92,000
1	***0205**	López Rico, Diego	PI	94,000	7,005	4,403	105,408
2	***5748**	Vázquez Torreiro, Guadalupe	PI	88,000	8,000	8,805	104,805
3	***9828**	Briones da Silva, Stefany	PI	91,000	5,800	6,390	103,190
4	***2518**	Filgueiras Sanesteban, Nerea	PI	88,000	8,000	3,900	99,900
5	***8524**	Bastón Suárez, Carlos	PI	88,000	8,000	3,900	99,900
6	***6068**	Corredoira Taboada, David	PI	85,000	8,000	6,050	99,050

Acceso: PI: promoción interna; LI: libre.

(*) Ocúltase parcialmente o número de documento nacional de identidade para preservar os datos de carácter persoal, de acordo coa Lei orgánica 3/2018, do 5 de decembro.