Na data que para o efecto se indica no anexo, a Xunta Arbitral de Transportes de Galicia ditou o laudo correspondente ao expediente que así mesmo se relaciona.

O artigo 9.6 do Real decreto 1211/1990, do 28 de setembro, polo que se aproba o regulamento da Lei de ordenación de transportes terrestres, establece que «en relación coas notificacións ás partes, que realizará a secretaría das xuntas, será de aplicación a lexislación do procedemento administrativo», polo que esta secretaría intentou facer a notificación presencial do laudo consonte o artigo 42.2 da Lei 39/2015, do 1 de outubro, do procedemento administrativo común das administracións públicas. Porén, a notificación non puido ser completada para a parte reclamada.

En consecuencia, e segundo o disposto nos artigos 44 e 46 da mesma lei, emprázase a interesada que se sinala no anexo para ser notificada por comparecencia.

A comparecencia deberase efectuar no prazo de dez días hábiles, contados desde o seguinte ao da publicación deste anuncio no Boletín Oficial del Estado, na sede da Xunta Arbitral de Transportes de Galicia (Dirección Xeral de Mobilidade), sita no Edificio Administrativo de San Caetano, s/n, 15781 Santiago de Compostela, das 9.00 ás 14.00 horas, de luns a venres. De acordo co mesmo artigo, e sen prexuízo da súa publicación no Diario Oficial de Galicia, a eficacia deste anuncio queda supeditada á súa publicación no Boletín Oficial del Estado.

A persoa que compareza deberá asistir provista da documentación suficiente acreditativa da súa identidade e, de ser o caso, da representación con que afirme actuar.

Transcorrido o prazo sen se efectuar a comparecencia, a notificación entenderase producida no momento do vencemento do prazo indicado para comparecer.

Poderase obter máis información sobre este procedemento na secretaría da Xunta Arbitral de Transportes de Galicia (teléfonos de contacto 981 54 45 89 e 881 99 59 58).

Santiago de Compostela, 28 de xaneiro de 2026

Eduardo Suárez Campo
Secretario da Xunta Arbitral de Transportes de Galicia

ANEXO

Expediente	Reclamante	Reclamado/s NIF	Parte pendente de notificar Último enderezo coñecido	Data do laudo
XA20250227	Transnatur Norte, S.L.	46897518N	Estrada Espírito Santo, 23, nave 1-B 15168 Pazos-Santa María de Sada (A Coruña)	1.8.2025