En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Ángel Búa Pereira, en representación da Comunidade de Usuarios de Augas As Cerdeiras, Costa e Castriño.

Expediente: DH.A36.108352.

Volume total anual: 10.875,45 m3/ano.

Caudal máximo instantáneo: 0,40 l/s.

Destino: abastecemento e rega.

Orixe: dous (2) mananciais M1 e M2.

M1 na parcela 631, polígono 45, do Catastro de Campo Lameiro.

M2 na parcela 1019, polígono 44, do Catastro de Campo Lameiro.

Lugar: Morañó (Costa) e O Castriño en Campo Lameiro, e As Cerdeiras en Moraña.

Parroquia: Campo e Couso de Campo Lameiro e San Lourenzo de Moraña.

Concellos: Campo Lameiro e Moraña.

Descrición:

A auga do M1 condúcese a un depósito na parcela 631, polígono 45, do que segue a un depósito na parcela 234, polígono 44, que recibe tamén a do M2. Dos depósitos parte unha rede de distribución ás vivendas e parcelas de rega que abastece a Comunidade.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa San Salvador 2, 4º, 36240 Vigo (Pontevedra).

As persoas interesadas poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Vigo, 23 de xullo de 2025

Susana Pérez González
Xefa do Servizo Territorial da Zona Hidrográfica de Galicia Sur