Por unanimidade dos membros do Pleno do Concello, en sesión ordinaria do 29 de xaneiro de 2026, adoptouse o seguinte

ACORDO:

PRIMEIRO. Aprobar definitivamente o proxecto de expropiación por procedemento de taxación conxunta que se está tramitando neste concello redactado polo enxeñeiro técnico forestal José Carlos Domínguez Reifschneider a 24.7.2024.

SEGUNDO. Notificar este acordo aos interesados propietarios e titulares de bens e dereitos que figuran no expediente, conferíndolles un termo de vinte días durante o cal poderán manifestar por escrito a súa desconformidade coa valoración establecida no expediente aprobado.

Se os interesados non formulasen oposición á valoración no citado prazo de vinte días, entenderase aceptada a que se fixou no acto aprobatorio do expediente, entendéndose determinado o xusto prezo definitivamente e de conformidade.

TERCEIRO. Trasladar o expediente ao Xurado de Expropiación de Galicia para a fixación do xusto prezo no caso de que os interesados manifesten a súa desconformidade coa valoración contida na folla de valoración.

CUARTO. O acordo de aprobación definitiva implicará a declaración de urxencia da ocupación dos bens e dereitos afectados. A ocupación requirirá o levantamento dunha acta nos termos da lexislación estatal.

QUINTO. Proceder á inscrición rexistral das parcelas nos termos contidos na lexislación estatal e a instar do Catastro a actualización da súa configuración e titularidade.

RELACIÓN DE BENS AFECTADOS:

Situación: lugar A Igrexa, parroquia San Xurxo de Sacos

Nº de parcela catastral: 2373.

Polígono catastral: 3.

Concello catastral: Cerdedo-Cotobade.

Referencia catastral: 36012A003023730000ZY.

Titular: herdeiros de Dolores Pintos.

Superficie a expropiar 178 m2.

Valor unitario 3,593 €/m2.

Total: 639,72.

Cerdedo-Cotobade, 2 de febreiro de 2026

Jorge Cubela López
Alcalde