Con data do 2 de febreiro de 2026, na sede social da cooperativa, con domicilio en Centro de Procesado Avícola (CPA), s/n, Santa Cruz de Arrabaldo, 32990, Ourense, adoptáronse por unanimidade, en sesión universal da asemblea xeral extraordinaria, os seguintes acordos:

1. A liquidación e extinción da sociedade cooperativa.

2. A aprobación do balance final de liquidación e do proxecto de distribución do activo da cooperativa.

O balance final da cooperativa queda como segue:

Activo	Importe
Tesouraría	21.000,00
Patrimonio neto	Importe
Capital	21.000,00
Pasivo	Importe
-	-

O proxecto de distribución do activo queda da seguinte forma:

Correspóndelles o reintegro dunha cota de liquidación de mil cincocentos euros (1.500,00 €) a cada un dos catorce socios, que será efectuada, unha vez transcorrido o prazo previsto no artigo 94 da Lei 5/1998, do 18 de decembro, de cooperativas de Galicia, mediante transferencia bancaria á conta indicada por cada un deles.

A documentación social relativa a estes acordos pódese consultar no domicilio social da cooperativa. O que se comunica para o xeral coñecemento dos interesados en virtude do disposto nos artigos 89 ao 95 da Lei 5/1998, do 18 de decembro, de cooperativas de Galicia.

Ourense, 2 de febreiro de 2026

Emilio Rial Páis
Celso Gómez Valencia
José Ramón Ramos López
Liquidadores da Cooperativa Antioquia, S. Coop. Galega, en liquidación