De conformidade coas propostas elevadas polas comisións de selección nomeadas para xulgar os concursos de acceso convocados polas resolucións do 14 de outubro de 2025 (BOE do 27 de outubro) e acreditados polas persoas interesadas os requisitos exixidos pola lexislación vixente para seren nomeadas funcionarias para a provisión de prazas dos corpos docentes universitarios.

Este reitorado, no uso das atribucións que lle confire o artigo 50 da Lei orgánica 2/2023, do 22 de marzo, do sistema universitario, e demais disposicións que a desenvolven, resolveu efectuar os nomeamentos que se relacionan no anexo.

Estes nomeamentos producirán plenos efectos a partir da correspondente toma de posesión polas persoas interesadas, que deberá efectuarse no prazo máximo de 20 días hábiles, contado desde o seguinte ao da publicación da presente resolución no Boletín Oficial del Estado.

Contra a presente resolución, que esgota a vía administrativa, poderase interpoñer un recurso contencioso-administrativo no prazo de dous meses, que se contarán desde o día seguinte ao da súa publicación, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Previamente, e con carácter potestativo, poderase interpoñer un recurso de reposición ante este reitorado no prazo dun mes, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas (BOE do 2 de outubro).

A Coruña, 9 de febreiro de 2026

O reitor da Universidade da Coruña
P.D. (Resolución do 10.7.2024)
María Teresa López Fernández
Vicerreitora de Profesorado

ANEXO

Nome e apelidos	Corpo docente	Área de coñecemento	Departamento	Núm. praza
Francisco Javier Nóvoa Manuel	Profesor titular de universidade	Enxeñaría Telemática	Ciencias da Computación e Tecnoloxías da Información	25/012
Iván de Rosende Celeiro	Profesor titular de universidade	Enfermaría	Ciencias da Saúde	25/014