A Xunta de Goberno Local do Concello de Moaña, na sesión ordinaria do 3 de novembro de 2025, acordou aprobar inicialmente o documento denominado estudo de detalle na avenida José Costa Alonso, promovido por Begoña Caamaño Santos, e redactado polos arquitectos Eugenio Jiménez Passolas e Amador Rey Camiño, que ten por obxecto completar e homoxeneizar toda a fachada marítima e reaxustar a liña de servidume do dominio marítimo-terrestre á aliñación que establece o PXOM para as parcelas coas referencias catastrais nº 1705701NG2810N, 1705702NG2810N, 1705703NG2810N, 1705704NG2810N, 1705705NG2810N e 1705706NG2810N.
En cumprimento do artigo 80.2 da Lei 2/2016, do 10 de febreiro, do solo de Galicia, e dos artigos 194.2 e 207 do seu regulamento, sométese o expediente a información pública polo prazo dun mes contado desde o día seguinte ao da publicación deste anuncio no Diario Oficial de Galicia e nun dos xornais de maior difusión na provincia. Durante ese prazo calquera persoa poderá examinalo e formular as alegacións que considere oportunas.
A documentación estará á disposición no Portal de Transparencia do Concello de Moaña (Indicador 6.1. Urbanismo, Obras Públicas e Ambiente/Planeamento Urbanístico), ao que se accede a través da sede electrónica do Concello de Moaña
(https://concellodemoana.sedelectronica.gal/), a partir da data de publicación do correspondente anuncio no DOG, de conformidade co disposto no artigo 7.e) da Lei 19/2013, do 9 de decembro, de transparencia, acceso á información pública e bo goberno.
Réxime de recursos.
O acordo de aprobación inicial ten natureza xurídica de acto administrativo de trámite non susceptible de impugnación independente, pero podería ser alegado polas persoas interesadas para a súa consideración na resolución que poña fin ao procedemento (artigo 112 da Lei 39/2015, do 1 de outubro, do procedemento administrativo común das administracións públicas). Así mesmo, no período de información pública poderanse presentar as alegacións que se consideren oportunas, no prazo dun mes contado desde o día seguinte ao da publicación deste anuncio.
Moaña, 5 de xaneiro de 2026
Leticia Santos Paz
Alcaldesa