Para os efectos previstos na Lei 24/2013, do 26 de decembro, do sector eléctrico (BOE núm. 310, do 27 de decembro), e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro), sométese a información pública a declaración de utilidade pública, en concreto, da seguinte instalación eléctrica.

Denominación: enlace LAT Centrais-LAT Muras 2 (CT Lombao-CT Muruás).

Solicitante: Begasa.

Domicilio social: rúa Ramón María Aller Ulloa, 9, 27003 Lugo.

Características técnicas principais:

• LAT aérea 20 kV Centrais a CT Lombao, no cal se intercala un novo apoio 200599, na LAT Centrais, onde se realizará o paso aéreo-subterráneo da LAT soterrada ao novo CT prefabricado Lombao.

• LAT aérea 20 kV enlace LAT Centrais-LAT Muras 2, de 1.178 m de lonxitude, en condutor 94-AL 1/22 ST1A (LA 110) e retensado dun van de liña, de 76 m de lonxitude, en condutor 47-AL 1/8 ST1A (LA 56).

• LAT aérea 20 kV Muras 2 derivada a CT 3934 Muruás, de 91 m de lonxitude, en condutor 47-AL 1/8 ST1A (LA 56) entre o apoio 10 (A91168) e o CT intemperie 3934 Muruás, en substitución da actual LAT aérea, no mesmo condutor, debido á substitución do citado apoio 10 (A91168).

• LAT subterránea 20 kV a novo CT Lombao, de 570 m de lonxitude en condutor HEPRZ1-12/20 kV 1×240 kV Al + H16, entre o apoio 2 (200599) proxectado e o novo CT Lombao.

• LAT subterránea 20 kV enlace LAT Centrais-LAT Muras 2, de 290 m de lonxitude en condutor HEPRZ1-12/20 kV 1×240 kV Al + H16, entre o novo CT Lombao 1 e o apoio 3 proxectado.

• CT prefabricado Lombao, novo CT prefabricado 2L1P+telemando en substitución do actual CT intemperie 9415 Lombao.

A declaración de utilidade pública, segundo o sinalado no artigo 56 da citada Lei 24/2013, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei do 16 de decembro de 1954, de expropiación forzosa (BOE núm. 351, do 17 de decembro).

A relación concreta e individualizada de bens e dereitos afectados que se consideran de necesaria ocupación figuran no anexo que se insire xunto con este acordo.

Aquelas persoas ou entidades que se consideren afectadas poderán presentar as alegacións que consideren oportunas neste departamento territorial (Edificio Administrativo da Xunta de Galicia en Lugo, rolda da Muralla, 70) no prazo de trinta días contados desde o día seguinte ao da última publicación.

A documentación estará á disposición das persoas interesadas nas dependencias da Sección de Enerxía do Departamento Territorial de Lugo da Consellería de Economía e Industria (rolda da Muralla, núm. 70, baixo 2º, 27071 Lugo), das 9.00 ás 14.00 horas, de luns a venres, con cita previa no correo electrónico enerxia.lugo@xunta.gal ou no teléfono 982 29 46 76, así como nos concellos de Muras e Ourol. Ademais, tamén se poderá consultar no portal web da Consellería de Economía e Industria a través da seguinte ligazón:

https://economia.xunta.gal/transparencia/instalacions-electricas/muras-ourol

Ata o mesmo momento do levantamento das actas previas, os interesados poderán facer alegacións por escrito para os únicos efectos de corrixir posibles erros que se atopen ao relacionar os bens e dereitos afectados segundo dispón o artigo 56.2 do Regulamento da Lei de expropiación forzosa (BOE núm. 160, do 20 de xuño).

Isto faise público para coñecemento xeral e particular das persoas propietarias dos predios que figuran na relación anexa a este acordo e das persoas titulares de dereitos reais ou intereses económicos, sobre os bens afectados que fosen omitidos.

Lugo, 23 de febreiro de 2026

Gustavo José Casasola de Cabo
Director territorial de Lugo

ANEXO

Relación de bens e dereitos afectados polo proxecto de enlace LAT Centrais-LAT Muras 2 (CT Lombao-CT Muruás)

Concellos: Muras e Ourol.

Expediente: IN407A 2025/37 ATE.

Nº	Referencia catastral	Pol.	Parc.	Lugar	Concello	Titular	Cultivo	Apoio nº	Oc. perm. apoio (m2)	LATA Oc. perm. (m2)	LATS Oc. perm. (m2)	CT Oc. perm. (m2)	Accesos oc. temp. (m2)
1	27038A17600002	176	2	Lombao	Ourol	Hros. de María Cazás Caabeiro José Antonio Cortiñas Cazás	Prado	2	12		24		48
2	27038A17600012	176	12	Lombao	Ourol	Hros. de María Cazás Caabeiro José Antonio Cortiñas Cazás	Prado				9	48
4	27038A17600041	176	41	Lombao	Ourol	Hros. de María Cazás Caabeiro José Antonio Cortiñas Cazás	Prado			8
6	27038A17600057	176	57	Coto	Ourol	Hros. de Herminia Paraños Paraños, representante Fidel Franco Paraños	Monte alto	4	2	1.018			39
9	27038A17600055	176	55	As Ramiscas	Ourol	Hros. de María Cazás Caabeiro José Antonio Cortiñas Cazás José Daniel Rodríguez Cajete	Monte alto			835
10	27038A17600059	176	59	Coto	Ourol	Hros. de María Cazás Caabeiro José Antonio Cortiñas Cazás	Monte alto			92
12	27038A17600048	176	48	As Ramiscas	Ourol	Hros. de María Cazás Caabeiro José Antonio Cortiñas Cazás José Daniel Rodríguez Cajete	Monte alto			2.211
13	27033A03300035	33	35	O Choupán	Muras	Emilia Guerreiro López	Monte alto			9
14	27033A03300062	33	62	Muruás	Muras	Hros. de Herminia Paraños Paraños, representante Fidel Franco Paraños	Monte alto			1.552

*Oc. perm.: ocupación permanente

*Oc. temp.: ocupación temporal