Mediante Resolución desta alcaldía, do 2 de febreiro de 2026, aprobouse inicialmente o estudo de detalle para a ordenación da parcela industrial na rúa Sentín núm. 17, en Rubiáns, que se vai desenvolver na parcela con referencia catastral 1348623NH2114N0001WQ, promovido por Aurelio Silva Abalo e redactado polo arquitecto Manuel Rodríguez Fontán, asinado dixitalmente o 31.12.2018.

Conforme o establecido no artigo 80 da Lei 2/2016, do 10 de febreiro, do solo de Galicia, o estudo estará exposto ao público, na Xerencia de Urbanismo, durante o prazo dun mes, contado a partir do día seguinte ao da publicación deste anuncio no Diario Oficial de Galicia, e poderán presentarse reclamacións ou alegacións nese prazo.

O documento inicialmente aprobado pode consultarse no taboleiro de anuncios da sede electrónica deste concello (https://sede.vilagarcia.gal).

Vilagarcía de Arousa, 9 de febreiro de 2026

Alberto Varela Paz
Alcalde