Mediante a Resolución do 23 de decembro de 2025 (DOG núm. 252, do 31 decembro), da presidenta do Padroado da Fundación Pública Galega Centro Tecnolóxico de Supercomputación de Galicia (Fundación Cesga), anunciouse a convocatoria pública para a provisión da praza de xerente, polo sistema de concurso de méritos, en réxime de persoal laboral de alta dirección, para a prestación de servizos coa devandita cualificación na citada entidade.

Realizado o correspondente proceso selectivo, a persoa proposta polo tribunal presentou, en tempo e forma, a súa renuncia ao nomeamento e contratación para ocupar a praza de xerente da Fundación Cesga.

De acordo co establecido no artigo 10 das bases da convocatoria, a competencia para resolver este proceso selectivo correspóndelle á persoa titular da Presidencia da Fundación Cesga.

En consecuencia,

RESOLVO:

Primeiro. Declarar vacante, por renuncia da persoa proposta polo tribunal, a praza de persoal directivo xerente da Fundación Cesga, convocada pola Resolución do 23 de decembro de 2025.

Segundo. Contra a presente resolución, que pon fin á vía administrativa, poderase interpoñer recurso contencioso-administrativo, no prazo de dous meses contados a partir do día seguinte ao da súa notificación, ante o xulgado do contencioso-administrativo competente, de conformidade co establecido nos artigos 8, 14 e 46 da Lei 29/1988, do 13 de xullo, reguladora da xurisdición contencioso-administrativa.

Potestativamente, e con carácter previo, poderase interpoñer recurso administrativo de reposición ante este órgano directivo, no prazo dun mes a partir do día seguinte ao da notificación, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 10 de marzo de 2026

Carmen Cotelo Queijo
Presidenta do Padroado da Fundación Pública Galega Centro Tecnolóxico
de Supercomputación de Galicia