Pola Resolución do 26 de febreiro de 2026 (BOE do 9 de marzo), da Universidade da Coruña, convocóuse concurso de acceso a prazas de corpos docentes para a provisión de tres prazas ao corpo de profesor/a titular de universidade cos seguintes códigos:

26/001 da Área de coñecemento de Didáctica da Expresión Corporal, do Departamento de Didácticas Específicas e Métodos de Investigación e Diagnóstico en Educación.

26/002 da Área de coñecemento de Matemática Aplicada, do Departamento de Matemáticas.

26/003 da Área de coñecemento de Proxectos Arquitectónicos, do Departamento de Proxectos Arquitectónicos, Urbanismo e Composición.

Advertidos erros na convocatoria, e a teor do disposto no artigo 109.2 da Lei 39/2015, do 1 de outubro, do procedemento administrativo común das administracións públicas.

Este reitorado, en uso das atribucións que ten atribuídas, resolveu anular a convocatoria das prazas 26/001, 26/002 e 26/003 de profesor/a titular de universidade convocadas pola Resolución do 26 de febreiro de 2026 (BOE do 9 de marzo) e a devolución de oficio dos dereitos de exame a aquelas persoas candidatas que efectuaron o pagamento.

A Coruña, 16 de marzo de 2026

O reitor da Universidade da Coruña
P.D. (Resolución do 10.7.2024)
María Teresa López Fernández
Vicerreitora de Profesorado