Expediente: IN407A 2026/034-1.

Solicitante/promotor: UFD Distribución Electricidad, S.A.

Denominación: LAT 66 kV CIR-2 Barbanza-Palmeira: antiga Tambre-Palmeira.

Concellos: Ribeira, A Pobra do Caramińal, Boiro e Porto do Son.

1. Características técnicas:

Tendido do segundo circuíto LAT. Barbanza-Palmeira.

Tramo subterráneo: tenderase o cable en canalización de dobre circuíto desde a subestación Barbanza ata o apoio PAS dobre circuíto de transición entre o tramo subterráneo e o aéreo. Tanto a canalización de dobre circuíto coma o apoio PAS dobre circuíto son obxecto doutro proxecto (LAT 66 kV Barbanza-Palmeira).

No tramo aéreo tenderase un condutor sobre os apoios existentes da LAT Barbanza-Palmeira desde o apoio TA2 PDS [76]/TA2 BOI [76] ata a posición correspondente no pórtico da SE Palmeira. Os armados dos apoios existentes están actualmente preparados para a instalación dun segundo circuíto. Así mesmo, prevese a instalación dun novo apoio en configuración de dobre circuíto, que substituirá o entroncamento actual da liña de alta tensión (LAT) 66 kV Porto do Son/Palmeira, no apoio identificado como BAR-PMR C1/C2 [5N].

Adicionalmente, levarase a cabo a substitución de dous apoios da liña existente, debido a que presentan distancias antirregulamentarias respecto a liñas de media tensión (MT), unha vez instalado o novo circuíto nos apoios actuais.

Instalación dun novo apoio aéreo para permitir a chegada do circuíto á súa posición correspondente nas inmediacións da SE Palmeira.

Desmantelamento do condutor LA-180 en simple circuíto no van entre o apoio TA2 PDS[78] e o novo apoio proxectado BAR-PMR[5N]. Desmantelamento do condutor LA-180 en simple circuíto e cable de protección no van entre o apoio PDS-PMR [79] e novo apoio proxectado BAR-PMR[57N]. Desmantelamento de 3 apoios PDS-PMR[29][63][81]. Demolición das cimentacións dos apoios que se retiran e recheo das cepas retiradas dos apoios que se desmantelan. Desmontaxe das cadeas de illadores nos apoios que se desmontan e as cadeas do apoio de entroncamento.

2. Lexislación de aplicación:

• Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

• Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

• Lei 24/2013, do 26 de decembro, do sector eléctrico (BOE núm. 310, do 27 de decembro).

• Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

• Lei 9/2021, de 25 de febreiro, de simplificación administrativa e de apoio á reactivación económica de Galicia (DOG núm. 39, do 26 de febreiro).

• Resolución do 19 de febreiro de 2014 pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo).

• Lei do 16 de decembro de 1954, sobre expropiación forzosa (BOE núm. 351, do 17 de decembro).

• Decreto do 26 de abril de 1957 polo que se aproba o Regulamento da Lei de expropiación forzosa (BOE núm. 160, do 20 de xuño).

A relación concreta e individualizada dos bens e dereitos afectados que se considera de necesaria expropiación figura no anexo que se xunta con este acordo.

A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

A documentación estará á disposición das persoas interesadas nas dependencias da Sección de Enerxía do Departamento Territorial da Consellería de Economía e Industria da Coruña (rúa Vicente Ferrer, núm. 2, 2º andar, 15071 A Coruña), das 9.00 ás 14.00 horas, de luns a venres, así como no taboleiro de anuncios do Concello. Ademais, poderá consultarse no Portal de transparencia e goberno aberto desta consellería:

https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte

Isto faise público para o coñecemento xeral e particular das persoas propietarias dos predios que figuran na relación anexa a este acordo, así como das persoas titulares de dereitos reais ou intereses económicos sobre os bens afectados que fosen omitidos. Poderán examinar a documentación técnica e, de ser o caso, achegar as alegacións ou observacións que consideren axeitadas, no prazo de 30 días contados a partir do día seguinte ao da última publicación deste acordo.

A Coruña, 4 de marzo de 2026

Isidoro Martínez Arca
Director territorial da Coruña

ANEXO

Relación de bens e dereitos afectados. Concello de Boiro.

LAT 66 kV CIR-2 Barbanza-Palmeira: antiga Tambre-Palmeira

Núm. parcela	Lugar Referencia catastral	Cultivo	Titular	Afección de solo en pleno dominio		Afección de solo por servidume de paso de enerxía eléctrica
				Apoio núm.	m2	ml aér	ml sot.	m2 aér.	m2 sot.
8	Barbanza de Cures 15011A98000145	Matogueira	CMVMC de Barbanza, Xaramelo e Granxa do Navío Consellería do Medio Rural (Servizo de Montes)	[5N]	5.0

Relación de bens e dereitos afectados. Concello de Ribeira

LAT 66 kV CIR-2 Barbanza-Palmeira: antiga Tambre-Palmeira

Núm. parcela	Lugar Referencia catastral	Cultivo	Titular	Afección de solo en pleno dominio		Afección de solo por servidume de paso de enerxía eléctrica
Apoio núm.	m2	ml aér.	ml sot.	m2 aér.	m2 sot.
1	Folgoso e Río Portas 15074A03600693	Labor ou labradío secaño	Descoñecido					12.0
2	Folgoso e Río Portas 15074A03600671	Labor ou labradío secaño	Descoñecido					5.0
3	Folgoso e Río Portas 15074A03600691	Labor ou labradío secaño	Descoñecido					2.0
4	Folgoso e Río Portas 15074A03600672	Labor ou labradío secaño	Descoñecido			10.0		136.0
5	Folgoso e Río Portas 15074A03600692	Labor ou labradío secaño	Descoñecido			6.0		88.0
6	Folgoso e Río Portas 15074A03600690	Labor ou labradío secaño	Descoñecido			9.0		129.0
7	Folgoso e Río Portas 15074A03600689	Labor ou labradío secaño	Descoñecido			3.0		44.0
9	Folgoso e Río Portas 15074A02800227	Pasteiros, piñeiral madeireiro	CMVMC Balteiro, Folgoso e Río Portas, Lobeiras, Lixó, Salmón e Recobo e Axeitos Consellería do Medio Rural (Servizo de Montes)	[39N]	4.0
13	Cabriteiras 15074A03600686	Labor ou labradío secaño	José Andrés Gago Santiago			14.0		186.0
14	Cabriteiras 15074A03600684	Labor ou labradío secaño	Descoñecido			1.0		36.0

Abreviacións:

ml aér.: lonxitude da servidume aérea en metros lineais.

ml sot.: lonxitude da servidume soterrada en metros lineais.

m2 aér.: superficie de servidume aérea en m2.

m2 sot.: superficie de servidume soterrada.