O Consello da Xunta de Galicia aprobou, o 16 de febreiro de 2006, o Decreto 23/2006 polo que se establecen determinadas medidas de xestión no Parque Nacional Marítimo-Terrestre das Illas Atlánticas de Galicia.

O artigo 4.2 deste decreto prevé que o presidente do Padroado sexa nomeado e cesado por acordo do Consello da Xunta de Galicia, por proposta da consellería competente en materia de ambiente.

De acordo co artigo 2.4 do Decreto 49/2024, do 22 de abril, polo que se fixa a estrutura orgánica das consellerías da Xunta de Galicia, atribúese á Consellería de Medio Ambiente e Cambio Climático a competencia na área de patrimonio natural.

En virtude do establecido nos artigos 4.13 e 34.2 da Lei de Galicia 1/1983, do 22 de febreiro, de normas reguladoras da Xunta e da súa Presidencia, por proposta da conselleira de Medio Ambiente e Cambio Climático e logo de deliberación do Consello da Xunta de Galicia, na súa reunión do día seis de abril de dous mil vinte e seis,

DISPOÑO:

Que cese, por petición propia, Fernando Garrido Valenzuela, como presidente do Padroado do Parque Nacional Marítimo-Terrestre das Illas Atlánticas de Galicia, agradecéndolle os servizos prestados.

Santiago de Compostela, seis de abril de dous mil vinte e seis

Alfonso Rueda Valenzuela
Presidente

Ángeles Vázquez Mejuto
Conselleira de Medio Ambiente e Cambio Climático