Conforme o establecido no artigo 26 da Orde do 8 de xaneiro de 2025 pola que se aproban as bases reguladoras da concesión de subvencións, en réxime de concorrencia competitiva, para a execución programas de cooperación para o desenvolvemento no exterior promovidos polas organizacións non gobernamentais de desenvolvemento e se convocan, unha vez ultimada a concesión de axudas, publicarase no Diario Oficial de Galicia a relación das concedidas, con expresión da convocatoria, o programa e o crédito orzamentario a que se imputen, o beneficiario, a cantidade concedida e a finalidade ou finalidades da subvención.

Na súa virtude,

RESOLVO:

Publicar no Diario Oficial de Galicia as axudas concedidas pola Resolución do director xeral de Relacións Exteriores e coa Unión Europea, do 15 de abril de 2025, en virtude da delegación establecida na disposición adicional primeira da Orde do 8 de xaneiro de 2025 (DOG núm. 17, do 27 de xaneiro):

– 3 proxectos de programas de cooperación para o desenvolvemento no exterior que executarán as organizacións non gobernamentais de cooperación para o desenvolvemento (ONGD), por un importe global dun millón oitocentos mil (1.800.000,00 €), con cargo á aplicación orzamentaria 05.07.331A.490.0 dos orzamentos da Comunidade Autónoma de Galicia para 2025, nas contías, beneficiarios e finalidade que se relacionan no anexo desta resolución.

Santiago de Compostela, 25 de marzo de 2026

Jesús Gamallo Aller
Director xeral de Relacións Exteriores e coa Unión Europea

ANEXO

Axudas para proxectos de programas de cooperación para o desenvolvemento no exterior

Nº expte.	Entidade solicitante	Denominación do proxecto	Orzamento total	Subvención solicitada total	Subvención concedida
					Subvención concedida	Total 2025	Total 2026	Total 2027
PR804C 2025-12	Asamblea de Cooperación por la Paz	Programa Abraza o teu Mar: construíndo un futuro sostible para a pesca artesanal salvadoreña	796.420,73	600.000,00	600.000,00	180.000,00 €	210.000,00 €	210.000,00 €
PR804C 2025-3	Arquitectura sen Fronteiras	Programa Kab' laj Imox para o acceso mellorado á auga e saneamento, así como a súa gobernanza institucional e comunitaria con enfoque de xénero, dos 180 fogares de poboación indíxena, desprazada e en condicións de especial vulnerabilidade da comunidade Victorias 3, en Champerico, Guatemala	674.856,00	600.000,00	600.000,00	180.000,00 €	210.000,00 €	210.000,00 €
PR804C 2025-10	Enxeñería Sen Fronteiras Galicia	Restauración das lagoas de inverno como modo de vida das poboacións pesqueiras de Namasigüe e El Triunfo, Honduras. Fase 2	717.047,31	600.000,00	600.000,00	180.000,00 €	210.000,00 €	210.000,00 €
					1.800.000,00	540.000,00	630.000,00	630.000,00