Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

– Solicitante: UFD Distribución Electricidad, S.A.

– Enderezo social: avenida América, 38. 28028 Madrid.

– Denominación: soterramento da LMT VAA708 entre os apoios 9VXWBBKJ//11 e 9VV5A3PK//14.

– Situación: Gondomar.

– Descricións técnicas:

Substitución dos seguintes apoios por apoios tipo celosía: 9VXWBBKJ//11 (por un C-3000/12); 9VV5A3PK//14 (por un C-4500/14); 9W0J9P3J//10 (por un C-2000/16) e 9VTTUEKV//15 (por un C-1000/16).

Substitución dos curtocircuítos fusibles XS (36HAT9) do apoio 9W0J9P3J//10.

Recolocación dos XS 36HAV0 no apoio 12 para a derivada ao centro de transformación 36A505.

Retirada do apoio 9VVWXGPA//13.

Retensado da liña de media tensión aérea (LMTA) a 20 kV con condutor LA 110 de 137 metros de lonxitude, con orixe no apoio existente 9X1MNURF e final no apoio proxectado C-3000/12, no cal se instalará un paso aero-subterráneo.

Retensado da LMTA a 20 kV con condutor LA 30 de 61 metros de lonxitude, con orixe no apoio proxectado C-2000/16 e final no apoio existente 9VX94L1X//10-1.

Retensado da LMTA a 20 kV con condutor LA 110 de 213 metros de lonxitude, con orixe no apoio proxectado C-4500/14 e final no apoio existente 9VSWFSBQ//16.

Liña de media tensión subterránea (LMTS) a 20 kV con condutor RHZ1-2OL 12/20 kV 1x240 mm2 Al en catro actuacións:

1. De 13 metros de lonxitude, con orixe no apoio proxectado C-3000/12 e final no centro de seccionamento (CS) proxectado.

2. De 471 metros de lonxitude, con orixe no CS proxectado e final no apoio proxectado C-4500/14.

3. De 78 metros de lonxitude, con orixe no CS proxectado e final no paso aero-subterráneo no apoio existente 9VXCTS7D//12.

4. De 80 metros de lonxitude, con orixe no CS proxectado e final na LMT VAA708 Auto Vincios 8, no lugar da Torre.

Centro de seccionamento (CS) en envolvente prefabricada, manobra exterior, con catro celas de liña, situado na parcela con referencia catastral 2360943NG2626S0001XA.

A instalación está proxectada no lugar da Torre, na parroquia de Vincios, no concello de Gondomar (Pontevedra).

A relación concreta e individualizada dos bens ou dereitos que se van expropiar figura no anexo.

O proxecto está á disposición do público durante o prazo de trinta (30) días hábiles, contados a partir do día seguinte ao da publicación deste anuncio no Diario Oficial de Galicia, para a súa consulta nas dependencias da Sección de Enerxía do Departamento Territorial da Consellería de Economía e Industria de Pontevedra, edificio administrativo Campolongo, avenida María Victoria Moreno, 43, 36071 Pontevedra, das 9.00 ás 14.00 horas, de luns a venres, con cita previa no teléfono 986 805 237, así como no portal da mencionada consellería: (https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte)

Durante o dito período calquera persoa poderá formular as alegacións que considere oportunas, por razón do disposto no artigo 145 do Real decreto 1955/2000 anteriormente citado.

Pontevedra, 9 de marzo de 2026

Beatriz López del Olmo
Directora territorial de Pontevedra

ANEXO

Núm. expediente: IN407A 2026/019-4.

Denominación: soterramento da LMT VAA708 entre os apoios 9VXWBBKJ//11 e 9VV5A3PK//14.

Concello: Gondomar.

Nº	Lugar	Terreo	Referencia catastral	Titular	Afeccións
					Pleno dominio (m2)			Servidume		Ocupación temporal
					CT (m2)	Apoio		ml sub.	m2 sub.	m2
						Nº	m2
2	Rocha-Vincios	Rústico	2360943NG2626S0001XA	Delmiro	19,16	2	2	4	12	223
3	Rocha-Vincios	Rústico	2055520NG2625N0001TO	José Rial Piñeiro	-	3	2	6,5	19,5	434
4	Rocha-Vincios	Rústico	2054947NG2625S0001ZJ	Banco Santander, S.A.	-	4	2	-	-	395