O que subscribe, José Manuel Suárez Rodríguez, veciño do lugar de Cosoirado, parroquia de Cosoirado, concello de Moraña (Pontevedra), mediante este anuncio convoca a asemblea xeral a todos os usuarios de augas, co fin de constituírse en comunidade de usuarios segundo a lexislación de augas vixente e solicitar a correspondente concesión administrativa. A asemblea será o 19 de abril de 2026, ás 11.00 horas, en primeira convocatoria, e ás 12.00 horas, en segunda convocatoria, no local social, coa seguinte orde do día:

1. Formar unha relación nominal de usuarios (nome, DNI, enderezo da vivenda ou parcela, referencia catastral, sinatura orixinal), constituírse en comunidade de usuarios segundo a lexislación de augas vixente e solicitar a concesión administrativa, así como elixir o nome e domicilio da comunidade.

2. Aprobar as bases a que, dentro da lexislación vixente, terán que axustarse os proxectos de ordenanzas e regulamentos polos cales se rexerá a comunidade.

3. Designar os membros que integrarán a xunta de goberno, encargada da dirección da comunidade e da redacción das ordenanzas e regulamentos.

4. Rogos e preguntas.

Moraña, 17 de marzo de 2026

José Manuel Suárez Rodríguez
Presidente da Comunidade de Usuarios de Augas de Cosoirado