De conformidade coa proposta elevada polas comisións nomeadas para xulgar os concursos para a provisión de prazas de corpos docentes universitarios, convocados mediante a Resolución conxunta desta universidade e o Servizo Galego de Saúde do 19 de novembro de 2025 (BOE do 26 de novembro), e presentada polas persoas interesadas a documentación a que fai referencia a base novena da convocatoria,

Esta reitoría, en uso das atribucións conferidas polo artigo 50 da Lei orgánica 2/2023, do 22 de marzo, do sistema universitario (BOE do 23 de marzo), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro) e demais disposicións concordantes, resolve efectuar os nomeamentos que se relacionan no anexo.

Estes nomeamentos producirán plenos efectos a partir da correspondente toma de posesión polas persoas interesadas, que deberán efectuarse no prazo máximo de vinte (20) días, contado desde o día seguinte ao da publicación desta resolución no Boletín Oficial del Estado.

Contra esta resolución, que pon fin á vía administrativa, poderase interpoñer recurso contencioso-administrativo ante o Xulgado do Contencioso-Administrativo de Santiago de Compostela no prazo de dous meses, contado desde o seguinte ao da súa publicación no Boletín Oficial del Estado de conformidade co establecido na Lei 29/1998, do 13 de xullo, reguladora da xurisdición contencioso-administrativa. No obstante, as persoas interesadas poderán interpoñer recurso potestativo de reposición no prazo dun mes ante o órgano que ditou o acto, sen que neste caso se poida interpoñer o recurso contencioso-administrativo ata que no recaia resolución expresa ou presunta do recurso administrativo de reposición, conforme o previsto nos artigos 123 y 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 30 de marzo 2026

Antonio López Díaz
Reitor en funcións

ANEXO

Nº de concurso: 3T-V/25
Código praza:	C02061
Apelidos e nome:	Ávila Álvarez, Alejandro
DNI/NIE:	***1034**
Corpo:	Profesoras e profesores titulares de universidade vinculados coa categoría asistencial de facultativo especialista de área
Especialidade:	Pediatría
Área de coñecemento:	Pediatría
Departamento:	Ciencias Forenses, Anatomía Patolóxica, Xinecoloxía e Obstetricia e Pediatría
Institución sanitaria:	Servizo de Pediatría. Complexo Hospitalario Universitario da Coruña
Localidade:	A Coruña
Nº de concurso: 4T-V/25
Código praza:	C02062
Apelidos e nome:	Barge Caballero, Eduardo
DNI/NIE:	***2779**
Corpo:	Profesoras e profesores titulares de universidade vinculados coa categoría asistencial de facultativo especialista de área
Especialidade:	Cardioloxía
Área de coñecemento:	Medicina
Departamento:	Psiquiatría, Radioloxía, Saúde Pública, Enfermaría e Medicina
Institución sanitaria:	Servizo de Cardioloxía. Complexo Hospitalario Universitario da Coruña
Localidade:	A Coruña