Convocada por Resolución do 11 de decembro de 2025 (DOG núm. 245, do 19 de decembro), a provisión de diversas prazas de supervisor/a de unidade da Área Sanitaria de Santiago de Compostela e Barbanza e en virtude do establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e a Orde do 24 de maio de 2006 (DOG núm. 106, do 5 de xuño) pola que se establecen as bases do procedemento para o provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 145/2024, do 20 de maio (DOG núm. 101, do 27 de maio), polo que se establece a estrutura orgánica do Servizo Galego de Saúde, a Orde do 22 de abril de 2020 (DOG núm. 82, do 29 de abril), sobre delegación de competencias en órganos centrais e periféricos da Consellería de Sanidade e do Servizo Galego de Saúde e do Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia, o xerente da Área Sanitaria de Santiago de Compostela e Barbanza
DISPÓN:
Primeiro. Resolver a convocatoria pública para a provisión de diversas prazas de supervisor/a de unidade da Área Sanitaria de Santiago de Compostela e Barbanza, convocada por Resolución do 11 de decembro de 2025 (DOG núm. 245, do 19 de decembro).
Segundo. Nomear, para os postos que se indican, as persoas citadas no anexo desta resolución.
Terceiro. De conformidade coa base décima da convocatoria, os/as candidatos/as nomeados/as serán avaliados/as, antes de que transcorran catro anos desde o seu nomeamento, para os efectos de prorrogar o desempeño da xefatura, por idéntico período, ou proceder á súa remoción.
Cuarto. Os/as aspirantes seleccionados/as deberán cesar na praza que desempeñen dentro dos tres días hábiles seguintes a aquel en que se publique a resolución do Diario Oficial de Galicia.
A toma de posesión do posto de traballo adxudicado deberá efectuarse dentro dos dous días hábiles seguintes ao do cesamento. Para estes efectos, entenderase por praza desempeñada a efectivamente ocupada, con independencia de que sexa en condición de destino definitivo, adscrito ou destino provisional ou comisión de servizos.
Se así o permiten as necesidades do servizo, e por petición motivada do/da interesado/a, os prazos a que se refiren os parágrafos anteriores poderán ser prorrogados polo órgano convocante.
O prazo de toma de posesión e a súa prórroga terán a condición de servizo activo, percibíndose os correspondentes haberes de conformidade co que estableza a orde sobre confección de nóminas do persoal ao servizo da Administración autonómica.
Entenderase que solicita excedencia voluntaria por interese particular, e será declarado/a nesa situación polo órgano competente, quen non se incorpore ao posto adxudicado no prazo establecido.
Quinto. Contra a presente resolución poderá interpoñerse recurso de alzada ante a Dirección Xeneral de Recursos Humanos do Servizo Galego de Saúde, no prazo dun mes, contado desde o día seguinte á súa publicación, nos termos establecidos nos artigo 121 e 122 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 22 de abril de 2026
Ángel Facio Villanueva
Xerente da Área Sanitaria de Santiago de Compostela e Barbanza
ANEXO
Nome e apelidos: Ana Isabel Ares Galbán.
DNI: ***3596**.
Unidade: Hospitalización Sur.
Centro: Hospital Público da Barbanza.
Nome e apelidos: Begoña Lesta Gómez.
DNI: ***1773**.
Unidade: Lactantes/Preescolares.
Centro: Hospital Clínico Universitario de Santiago de Compostela.
Nome e apelidos: Sandra Pardo Ferro.
DNI: ***1939**.
Unidade: Neurocirurxía.
Centro: Hospital Clínico Universitario de Santiago de Compostela.
Nome e apelidos: Ana Belén Castro Giadáns.
DNI: ***9383**.
Unidade: Oncoloxía/Hematoloxía.
Centro: Hospital Clínico Universitario de Santiago de Compostela.
Nome e apelidos: María Mercedes Fernández Rodríguez.
DNI: ***9467**.
Unidade: Coidados Paliativos.
Centro: Hospital Médico Cirúrxico de Conxo.
(*) Ocúltase parcialmente o número de documento nacional de identidade para preservar os datos de carácter persoal, de acordo coa Lei orgánica 3/2018, do 5 de decembro.