De conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde do 24 de maio de 2006 (DOG núm. 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e en uso das atribucións conferidas polo Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia (DOG núm. 204, do 25 de outubro), e a Orde do 22 de abril de 2020 (DOG núm. 82, do 29 de abril), sobre delegación de competencia en órganos centrais e periféricos do Servizo Galego de Saúde, o xerente da Área Sanitaria de Pontevedra e O Salnés

RESOLVE:

Primeiro. Anunciar a convocatoria para a provisión, polo procedemento de concurso de méritos, dun posto de xefe/a de grupo, persoal estatutario de xestión e servizos da función administrativa, do Servizo de Admisión-Unidade de Consultas Externas do Complexo Hospitalario Universitario de Pontevedra, que se relaciona no anexo.

Segundo. A retribución do posto ofertado será a que corresponda de acordo coa Orde anual pola que se ditan instrucións sobre a confección de nóminas do persoal ao servizo da Administración autonómica.

Terceiro. As solicitudes para participar nesta convocatoria presentaranse, preferentemente, no Rexistro da Xerencia da Área Sanitaria de Pontevedra e O Salnés, sito na rúa Loureiro Crespo, 2, Pontevedra, ou a través de calquera dos procedementos do artigo 16 da Lei 39/2015, do 1 de outubro, do procedemento administrativo común das administracións públicas, no prazo de quince (15) días hábiles, contado a partir do día seguinte ao da publicación deste anuncio no Diario Oficial de Galicia.

Cuarto. As bases íntegras da convocatoria estarán expostas na intranet da Área Sanitaria de Pontevedra e O Salnés, así como na páxina web do Servizo Galego de Saúde (https://www.sergas.es/Recursos-Humanos/Provisión-de-postos-de-Xefatura-e-Coordinación/).

Pontevedra, 9 de abril de 2026

José Manuel Flores Arias
Xerente da Área Sanitaria de Pontevedra e O Salnés

ANEXO

Posto e área funcional

Denominación do posto	Postos	Área funcional	Centro
Xefe/a de grupo do Servizo de Admisión-Unidade de Consultas Externas do Complexo Hospitalario Universitario de Pontevedra	1	Servizo de Admisión	Complexo Hospitalario Universitario de Pontevedra (Área Sanitaria de Pontevedra e O Salnés)