De conformidade coa proposta elevada pola comisión nomeada para xulgar o concurso para a provisión dunha praza de corpos docentes universitarios, convocado mediante a Resolución conxunta desta universidade e o Servizo Galego de Saúde do 15 de xaneiro de 2026 (BOE do 22 de xaneiro), e presentada pola persoa interesada a documentación a que fai referencia a base novena da convocatoria.

Este reitorado, en uso das atribucións conferidas polo artigo 50 da Lei orgánica 2/2023, do 22 de marzo, do sistema universitario (BOE do 23 de marzo), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro) e demais disposicións concordantes, resolve efectuar o nomeamento que se relaciona no anexo.

O citado nomeamento producirá plenos efectos a partir da correspondente toma de posesión pola persoa interesada, que deberá efectuarse no prazo máximo de 20 días contado desde o día seguinte ao da publicación desta resolución no Boletín Oficial del Estado.

Contra a presente resolución, que pon fin á vía administrativa, poderase interpoñer recurso contencioso-administrativo ante o Xulgado do Contencioso-Administrativo de Santiago de Compostela no prazo de dous meses contado desde o seguinte ao da súa publicación no Boletín Oficial del Estado, de conformidade co establecido na Lei 29/1998, do 13 de xullo, reguladora da xurisdición contencioso-administrativa. No obstante, a persoa interesada poderá interpoñer recurso potestativo de reposición no prazo dun mes ante o órgano que ditou o acto, sen que neste caso se poida interpoñer o recurso contencioso-administrativo ata que non se dite resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 28 de abril de 2026

Rosa M. Crujeiras Casais
Reitora da Universidade de Santiago de Compostela

ANEXO

Núm. concurso: 72T-V/26
Código praza:	C02130
Apelidos e nome:	Cinza Sanjurjo, Sergio
DNI/NIE:	***8880**
Corpo:	profesoras e profesores titulares de universidade vinculadas/os coa categoría asistencial de facultativo especialista de área
Especialidade:	Medicina de Familia e Comunitaria
Área de coñecemento:	Medicina
Departamento:	Psiquiatría, Radioloxía, Saúde Pública, Enfermaría e Medicina
Servizo/Unidade asistencial:	Servizo/Unidade asistencial: Área Sanitaria de Santiago de Compostela e Barbanza
Localidade:	Santiago de Compostela