Visto o expediente para outorgamento da autorización administrativa previa e de construción da instalación eléctrica que a continuación se describe:

Peticionario: Begasa.

Domicilio social: rúa Aller Ulloa, Ramón María, 9, 27003 Lugo.

Denominación: LAT Augas-LAT Gapsa –LAT Tablicia (CT Astariz-CT Louzaneta 4 y CT Astariz– CS Maderas Besteiro.

Situación: Concello de Lugo.

Características técnicas principais:

– Liña soterrada de alta tensión a 20 kV Augas coa orixe nun PAS situado no apoio 1A04263 existente e final no novo CT Astariz, cunha lonxitude de 35 metros en condutor tipo HEPRZ1-240 mm.

– Liña soterrada de alta tensión a 20 kV Augas coa orixe no novo CT Astariz e final no CT 13521 Louzaneta 4, cunha lonxitude de 1.615 metros en condutor tipo HEPRZ1-240 mm.

– Liña soterrada de alta tensión a 20 kV Augas coa orixe no novo CT Astariz e final no CS Maderas Besteiro, cunha lonxitude de 3.100 metros en condutor tipo HEPRZ1-240 mm.

– Centro de transformación prefabricado Astariz, no cal se instalan tres celas de liña e unha de protección con fusibles, cunha potencia proxectada de 630 kVA e unha potencia inicial de 100 kVA, relación de transformación 20.000/400-230 V.

– Reforma do centro de transformación 13521 Louzaneta 4 (expediente 6050 AT), no cal se substitúen as celas existentes (unha de liña e unha de protección) por dúas celas de liña e unha de protección, cunha potencia proxectada de 630 kVA e unha potencia instalada de 250 kVA, relación de transformación 20.000/400-230 V.

– Desmontaxe de 113 metros de condutor LA-56 da LAT Augas entre o apoio 1A04263 e o CT 10042 Astariz, desmontaxe do seccionador XS 1S18419 e do CT intemperie 10042 Astariz.

Finalidade da instalación: mellora da subministración.

Orzamento: 872.698,32 €.

Documentación que se xunta:

• Separata para o Concello de Lugo.

• Separata para a Consellería de Cultura.

• Separata para a Confederación Hidrográfica do Miño-Sil.

• Separata para a Axencia Galega de Infraestruturas.

• Separata para a Consellería do Medio Rural.

Este departamento territorial, de acordo coas competencias que resultan do Decreto 140/2024, do 20 de maio, polo que se establece a estrutura orgánica da Consellería de Economía e Industria, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia,

RESOLVE:

En relación coa instalación de alta tensión, conceder a autorización administrativa previa e de construción das ditas instalacións, sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, supeditada ao cumprimento das seguintes condicións:

Primeira. As instalacións deberán axustarse na súa execución ao disposto no citado proxecto de execución e a dirección de obra deberá levala a cabo un técnico competente.

Segunda. O peticionario asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.

Terceira. En todo momento se deberán cumprir as normativas e directrices vixentes que sexan de aplicación, en particular canto establecen a Lei 24/2013, do 26 de decembro, do sector eléctrico, o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

Cuarta. O prazo de posta en marcha das instalacións que se autorizan será de dous anos, contados a partir da data da última autorización administrativa necesaria para a súa execución. En caso de resultar aplicable, en función da tipoloxía da instalación, deberán respectarse os prazos establecidos no artigo 13.9 do Regulamento (UE) nº 2024/573 do Parlamento Europeo e do Consello, do 7 de febreiro de 2024, sobre os gases fluorados de efecto invernadoiro, polo que se modifica a Directiva (UE) nº 2019/1937, e se derroga o Regulamento (UE) nº 517/2014 (DOUE núm. 573, do 20 de febreiro de 2024), sobre prohibicións para a posta en funcionamento de aparellaxe eléctrica que empregue gases fluorados de efecto invernadoiro, ou cuxo funcionamento dependa deles, nun medio illante ou de rotura. Unha vez construídas estas instalacións, a empresa promotora deberá presentar a solicitude de autorización de explotación ante este departamento territorial, acompañada da documentación requirida na lexislación vixente de aplicación.

Contra esta resolución poderase interpor recurso de alzada, ante a conselleira de Economía e Industria, no prazo dun mes a partir do día seguinte ao da notificación ou publicación desta resolución; tamén se poderá interpor calquera outro recurso que se considere pertinente en dereito.

Lugo, 17 de abril de 2026

Gustavo José Casasola de Cabo
Director territorial de Lugo