De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, a través deste anuncio notifícase ás persoas interesadas e que figuran no anexo as resolucións que se ditaron nos expedientes administrativos instruídos de conformidade co disposto no artigo 172 e seguintes do Código civil e demais normativa de aplicación, logo dos intentos de notificación realizados sen que fose posible efectuar as ditas notificacións por causas non imputables á Administración ou por descoñecer o domicilio das ditas persoas interesadas.

Os expedientes obran no Servizo de Familia, Infancia e Dinamización Demográfica, Departamento Territorial da Coruña da Consellería de Política Social e Igualdade, en Gregorio Hernández, 2, 1º andar, onde as ditas persoas interesadas, ou as persoas que as representen debidamente acreditadas, poderán comparecer para coñecemento íntegro do acto e do resto do expediente, de luns a venres, das 9.00 ás 14.00 horas, no prazo de dez (10) días hábiles, contados a partir do día seguinte ao da publicación deste anuncio no Boletín Oficial del Estado (BOE). Transcorrido o prazo sen efectuarse a comparecencia, a notificación entenderase producida ao vencemento do dito prazo establecido para comparecer.

Así mesmo, este anuncio publicarase no Diario Oficial de Galicia (DOG), se ben a notificación quedará supeditada á súa publicación no BOE.

Contra ditas resolucións, as persoas interesadas ou as persoas que as representen debidamente acreditadas, poderán interpoñer recurso no Xulgado de Primeira Instancia da Coruña, que por quenda lle corresponda, no prazo de dous (2) meses desde o día seguinte ao da notificación da resolución, efectuada por comparecencia, de conformidade co disposto no artigo 780 da Lei 1/2000, do 7 de xaneiro, da Lei de axuizamento civil e/ou no prazo de dous (2) anos, no caso de oposición á dita resolución administrativa, contados desde o día seguinte ao da súa notificación, efectuada por comparecencia, de conformidade con disposto no artigo 172.2 do Código civil.

A Coruña, 6 de abril de 2026

María Blanco Aller
Directora territorial da Coruña

ANEXO

Nº de expediente	Persoa interesada	Data da resolución	Efectos da resolución
2025/352/15	45847511R, 77406872G	16.2.2026	Establecemento de medida administrativa
2025/246/15	AAG427138	8.10.2025	Establecemento de medida administrativa
2019/70/15	53482633C, 52934576F	2.2.2026	Establecemento de medida administrativa
2019/71/15	53482633C, 52934576F	2.2.2026	Establecemento de medida administrativa