DOG 90 do 18/5/2026 - RESOLUCIÓN do 5 de maio de 2026 pola que se dá publicidade ás axudas concedidas ao abeiro da Orde do 15 de xullo de 2025 pola que se establecen as bases reguladoras para a concesión, en réxime de concorrencia non competitiva, das subvencións a entidades locais para actuacións encamiñadas ao acondicionamento e mellora das instalacións dos espazos termais de uso lúdico da Comunidade Autónoma de Galicia, e se procede á súa convocatoria para o ano 2025 (código de procedemento IN308C).

III. Outras disposicións

Consellería de Economía e Industria

RESOLUCIÓN do 5 de maio de 2026 pola que se dá publicidade ás axudas concedidas ao abeiro da Orde do 15 de xullo de 2025 pola que se establecen as bases reguladoras para a concesión, en réxime de concorrencia non competitiva, das subvencións a entidades locais para actuacións encamiñadas ao acondicionamento e mellora das instalacións dos espazos termais de uso lúdico da Comunidade Autónoma de Galicia, e se procede á súa convocatoria para o ano 2025 (código de procedemento IN308C).

Mediante a Orde do 15 de xullo de 2025, a Consellería de Economía e Industria estableceu as bases para a concesión de subvencións a entidades locais, en réxime de concorrencia non competitiva, para actuacións de acondicionamento e mellora das instalacións dos espazos termais de uso lúdico da Comunidade Autónoma de Galicia e convocáronse para o ano 2025.

En cumprimento do disposto no artigo 17.1.b) da Lei 1/2016, do 18 de xaneiro, de transparencia e bo goberno, e no artigo 15.1 da Lei 9/2007, do 13 de xuño, de subvencións de Galicia, así como no artigo 25 das bases reguladoras,

RESOLVO:

Ordenar a publicación no Diario Oficial de Galicia das subvencións indicadas no anexo, concedidas con cargo á aplicación orzamentaria 09-04-734A-760.1, ao abeiro da Orde do 15 de xullo de 2025, da Consellería de Economía e Industria, pola que se establecen as bases reguladoras para a concesión, en réxime de concorrencia non competitiva, das subvencións a entidades locais para actuacións encamiñadas ao acondicionamento e mellora das instalacións dos espazos termais de uso lúdico da Comunidade Autónoma de Galicia, e se convocan para o ano 2025 (código de procedemento IN308C).

Santiago de Compostela, 5 de maio de 2026

A conselleira de Economía e Industria
P.D. (Orde do 4.11.2024; DOG núm. 217, do 11 de novembro)
Pablo Fernández Vila
Director xeral de Planificación Enerxética e Minas

ANEXO

Subvencións a entidades locais para actuacións de acondicionamento e mellora das instalacións dos espazos termais de uso lúdico da Comunidade Autónoma de Galicia.

Persoa beneficiaria	NIF	Espazo termal	Actuación	Axuda concedida (€)
Concello de Cenlle	P3202600G	Área termal de Barbantes	Acondicionamento e mellora do espazo termal de uso lúdico Área termal de Barbantes	159.903,88
Concello de Cerdedo Cotobade	P3600048G	Baños de San Xusto	Acondicionamento e mellora do espazo termal de uso lúdico Baños de San Xusto	171.072,78
Concello de Ponte Caldelas	P3604300H	Parque termal de Ponte Caldelas	Construción do Parque termal de Ponte Caldelas	200.000,00
Concello de Salvaterra de Miño	P3605000C	Espazo termal de Teáns	Melloras no espazo termal de Teáns: climatización vestiarios, tratamento augas	86.055,20