Dúas (2) prazas para o proxecto QATALYZE:

– 1 técnico/a de investigación posdoutoral en tecnoloxías de computación cuántica. Referencia: QATALYZE-26-TINVPD1. NRP: 6090083.

– 1 técnico/a superior de investigación en tecnoloxías de computación cuántica. Referencia: QATALYZE-26-TSINV1. NRP: 6090084.

Unha (1) praza para o proxecto EUROCC3:

– 1 técnico/a de investigación en proxecto HPC para a industria. Referencia: EUROCC3-26-TINV1. NRP: 6090085.

Contratos a xornada completa de actividades científico-técnicas, regulados polo artigo 23.bis da Lei 14/2011, do 1 de xuño, e polo Decreto 12/2024, do 11 de xaneiro.

O prazo de presentación de solicitudes será de dez (10) días hábiles, contados desde o día seguinte ao da publicación deste anuncio no Diario Oficial de Galicia.

As bases dos procesos selectivos están expostas na sede do Cesga (avenida de Vigo, s/n, Campus Vida, 15705 Santiago de Compostela) e na páxina web https://www.cesga.es/gl/transparencia-2/emprego/

Todas as notificacións que a partir deste momento se orixinen como consecuencia destes procesos selectivos se farán públicas na páxina web do Cesga.

Santiago de Compostela, 8 de maio de 2026

José Ignacio López Cabido
Xerente da Fundación Pública Galega
Centro Tecnolóxico de Supercomputación de Galicia