A Fundación Pública Galega de Investigación Biomédica Galicia Sur, tendo en conta o seu ámbito fundacional, convoca axudas de carácter intramural para o ano 2026, en réxime de concorrencia competitiva, destinadas á realización de estadías en centros de investigación especializados e de recoñecido prestixio, segundo as bases reguladoras aprobadas pola Orde do 16 de decembro de 2025 (DOG núm. 252, do mércores 31 de decembro).

As persoas investigadoras interesadas presentarán a súa solicitude (anexo I) obrigatoriamente por medios electrónicos a través do formulario normalizado dispoñible na sede electrónica da Xunta de Galicia (https://sede.xunta.gal). Se algunha das persoas interesadas presenta a súa solicitude presencialmente, será requirida para que a emende a través da súa presentación electrónica. Para estes efectos, considerarase como data de presentación da solicitude aquela en que fose realizada a emenda.

Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365), para o que se habilitará unha ligazón na Guía de procedementos e servizos co código SA202I.

O prazo de presentación de solicitudes será dun mes contado a partir do día seguinte ao da publicación deste anuncio no Diario Oficial de Galicia. Entenderase como último día do prazo o correspondente ao mesmo ordinal do día da publicación. Se o último día do prazo é inhábil, entenderase prorrogado ao primeiro día hábil seguinte e, se no mes do vencemento non hai día equivalente ao inicial do cómputo, entenderase que o prazo remata o último día do mes.

A convocatoria poderase consultar na sede da Fundación Pública Galega de Investigación Biomédica Galicia Sur ou na web: https://www.fundacionbiomedica.es/convocatorias-propias

Vigo, 7 de maio de 2026

Francisco Javier Puente Prieto
Presidente da Fundación Pública Galega
de Investigación Biomédica Galicia Sur