O artigo 91 da Lei 2/2015, do 29 de abril, do emprego público de Galicia, e o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico, aprobado polo Decreto 151/2022, do 4 de agosto, establecen que o concurso específico se aplicará como sistema de provisión para aqueles postos de traballo para os que, polas súas peculiaridades, así se determine na relación de postos de traballo. O concurso específico consiste na valoración dos méritos e das capacidades, os coñecementos e as aptitudes determinados en cada convocatoria e relacionados co posto de traballo que se vai prover.

Así mesmo, a Resolución do 9 de xuño de 2025, da Dirección Xeral de Emprego Público e Administración de Persoal, aproba o modelo de bases de convocatoria de concursos específicos para a provisión de postos de traballo do persoal funcionario de carreira incluído no ámbito de aplicación da Lei 2/2015, do 29 de abril, do emprego público de Galicia.

A Lei 2/2015, do 29 de abril, sinala no seu artigo 17.2.f) que lles corresponde ás persoas titulares das consellerías convocar e resolver os concursos específicos de provisión de postos de traballo relativos á súa consellería, incluídos nas relacións de postos de traballo do persoal funcionario e laboral da Administración xeral da Comunidade Autónoma de Galicia e das entidades públicas instrumentais do sector público autonómico. E no seu artigo 17.3.f) prevé que, en relación co persoal funcionario pertencente a corpos ou escalas adscritos a cada consellería, lle corresponde á persoa titular dela convocar e resolver os concursos específicos de provisión de postos de traballo relativos á súa consellería incluídos nas relacións de postos de traballo do persoal funcionario e laboral da Administración xeral da Comunidade Autónoma de Galicia e das entidades públicas instrumentais do sector público autonómico.

O Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico, aprobado polo Decreto 151/2022, do 4 de agosto, dispón no seu artigo 20.2 que a convocatoria e a resolución do concurso específico corresponde á persoa titular da consellería de destino dos postos que se convoquen. E no seu artigo 20.3 sinala que as bases das convocatorias dos concursos específicos deberán contar co informe da Dirección Xeral da Función Pública.

Neste sentido, a Resolución do 9 de xuño de 2025, da Dirección Xeral de Emprego Público e Administración de Persoal, establece que as bases das convocatorias dos concursos específicos que elaboren as consellerías deberán ser informadas pola Dirección Xeral de Emprego Público e Administración de Persoal.

De conformidade co establecido na normativa citada, ao existiren vacantes dotadas orzamentariamente na relación de postos de traballo das cales se considera necesaria a súa provisión, logo de informe da Dirección Xeral de Emprego Público e Administración de Persoal do 5 de maio de 2026, esta Secretaría Xeral Técnica e do Tesouro, no uso das competencias delegadas en virtude do disposto no artigo 1.g) da Orde do 15 de decembro de 2021 (DOG núm. 246, do 24 de decembro), resolve convocar concurso específico para a provisión de postos de traballo vacantes na Consellería de Facenda e Administración Pública que se relacionan no anexo I desta convocatoria, de conformidade coas seguintes

Bases da convocatoria

Primeira. Obxecto da convocatoria

É obxecto da presente convocatoria a provisión dos postos de traballo vacantes na Consellería de Facenda e Administración Pública que se relacionan no anexo I, mediante o procedemento de concurso específico.

Segunda. Requisitos para participar

1. Para participar no concurso específico, é requisito necesario ter unha antigüidade mínima de tres anos como persoal funcionario de carreira. Ademais, o persoal funcionario de carreira que ocupe con carácter definitivo un posto de traballo obtido por concurso, debe permanecer nel un mínimo de seis meses para poder participar no concurso específico. O cumprimento dos requisitos debe ser efectivo na data na que remate o prazo para a presentación de solicitudes de participación.

As persoas interesadas en participar no concurso específico deberán reunir os requisitos esixidos para o desempeño dos postos de traballo aos que desexan concursar. Neste sentido, para os postos abertos a outras Administracións Públicas será necesario pertencer a corpos ou escalas equivalentes á escala superior de finanzas da Administración Xeral da Comunidade Autónoma de Galicia, especialidade Intervención, e/ou escala técnica de finanzas da Administración Xeral da Comunidade Autónoma de Galicia, especialidade Contabilidade e Intervención.

2. Non poderá participar no concurso específico o persoal funcionario de carreira que se atope en situación de excedencia voluntaria por interese particular, durante o período mínimo de permanencia nesta situación; o persoal suspenso en firme, mentres dure a suspensión; nin o que se atope sancionado con traslado forzoso, para destino na mesma localidade desde a que produciu o traslado, ata que transcorra o período da sanción.

Terceira. Solicitudes e prazo

1. As persoas interesadas en participar no concurso específico deberán presentar a súa solicitude do seguinte xeito:

a) Para persoas aspirantes da Administración da Xunta de Galicia, accedendo ao Portal do empregado público no enderezo electrónico https://portax.xunta.es.

b) Para persoas aspirantes doutras administracións públicas, a través da sede electrónica da Xunta de Galicia.

A solicitude de participación irá acompañada da seguinte documentación:

– Certificado de méritos, expedido polo servizo competente en materia de persoal da administración de orixe da persoa interesada onde se recollan os datos referentes a antigüidade, traballo desenvolvido e experiencia profesional específica, nos termos previstos na base sexta. Este certificado só será necesario no caso do persoal doutras administracións públicas.

– Acreditación dos cursos de formación ou perfeccionamento, nivel de galego, competencias dixitais, titulacións académicas e outros idiomas, nos termos previstos na base sexta.

–Acreditación das medidas de conciliación e destino previo do cónxuxe ou parella de feito, nos termos previstos na base sexta.

– Memoria, exposición curricular sobre a traxectoria profesional e identificación persoal, nos termos indicados na base quinta.

2. En desenvolvemento do disposto nos artigos 12 e 14 da Lei 39/2015, do 1 de outubro, do procedemento administrativo común das administracións públicas, e no Decreto 151/2022, do 4 de agosto, establécese a obrigatoriedade de presentación das solicitudes de participación a través de medios electrónicos.

Se algunha das persoas interesadas presenta a súa solicitude presencialmente, requiriráselle para que a emende a través da súa presentación electrónica. Para estes efectos, considerarase como data de presentación da solicitude aquela na que fose realizada a emenda. Se a emenda deste concreto defecto (presentación presencial da solicitude) se realiza unha vez transcorrido o prazo indicado para a presentación de solicitudes, a persoa implicada será incluída na listaxe de persoas excluídas prevista na base cuarta desta resolución.

Para a presentación de solicitudes requírese un certificado electrónico válido, DNI electrónico, tarxeta de persoal empregado público ou credenciais de acceso de Chave365.

3. As solicitudes presentaranse no prazo de vinte (20) días hábiles, que se contarán desde o día seguinte ao da publicación da correspondente convocatoria no Diario Oficial de Galicia.

4. Na solicitude faranse constar, por orde de preferencia, as vacantes incluídas no anexo I para as que se reúnan os requisitos esixidos para o seu desempeño. Deste xeito, as persoas solicitantes presentarán unha única solicitude na que se recollan todos os postos solicitados.

5. O persoal funcionario con algunha discapacidade recoñecida ou que precise algunha adaptación de posto de traballo, pode pedir na súa solicitude a adaptación do posto ou postos de traballo solicitados. Á solicitude deberá xuntar un informe expedido polo órgano competente na materia, que acredite a procedencia e a compatibilidade co desempeño das funcións que teña atribuídas o posto ou postos solicitados (artigo 10 do Real decreto 2271/2004, do 3 de decembro, polo que se regula o acceso ao emprego público e a provisión de postos de traballo das persoas con discapacidade, e artigo 12 do Decreto 80/2025, do 8 de setembro, polo que se regula o acceso e provisión de postos de traballo de persoas con discapacidade intelectual na Administración xeral da Comunidade Autónoma de Galicia e nas entidades públicas instrumentais do sector público autonómico). A adxudicación definitiva dun posto estará condicionada a que sexa compatible coa súa situación, tendo en conta as adaptacións que se poidan realizar no mesmo.

6. Finalizado o prazo de presentación de solicitudes, só será posible a presentación daquela documentación que as persoas interesadas acrediten ter solicitado previamente, pero figurando en poder da Administración, non puidese ter sido expedida en prazo e se presente antes da finalización do prazo para alegacións e emendas previsto no apartado segundo da base cuarta.

7. As solicitudes vincularán ás persoas interesadas, unha vez finalizado o prazo de presentación destas, sen que poidan ser obxecto de modificación. Se durante o prazo de presentación de solicitudes se presentase máis dunha solicitude relativa a unha mesma persoa, terase en conta a última das solicitudes presentadas.

8. Todo o proceso correspondente ao concurso específico poderá consultarse a través da web corporativa da Consellería de Facenda e Administración Pública.

Cuarta. Listaxe de persoas admitidas e excluídas

1. Expirado o prazo de presentación de solicitudes de participación, a Comisión de Valoración regulada na base sétima, verificará que as persoas solicitantes reúnan os requisitos e condicións esixidos para participar no concurso e que se presentou toda a documentación requirida segundo o establecido na base terceira, e elaborará proposta de listaxe provisional de persoas admitidas e excluídas que se publicará, con expresión da causa de exclusión, no Diario Oficial de Galicia e no portal web corporativo da Consellería de Facenda e Administración Pública.

2. As persoas aspirantes excluídas disporán dun prazo de dez (10) días hábiles, contados a partir do seguinte ao da publicación da resolución, para poder emendar, de ser o caso, o defecto que motivase a exclusión. A reclamación dirixirase ao Servizo de Persoal da Consellería de Facenda e Administración Pública e poderán presentarse por calquera das formas establecidas no artigo 16.4 da Lei 39/2015, do 1 de outubro. A estimación ou desestimación das ditas peticións de emendas entenderase implícita na resolución pola que se publica a listaxe definitiva.

3. Unha vez transcorrido o dito prazo e á vista da proposta realizada pola Comisión de Valoración, a Consellería de Facenda e Administración Pública ditará resolución definitiva, que se publicará no portal web corporativo da Consellería de Facenda e Administración Pública e no Diario Oficial de Galicia, na cal se declararán aprobadas as listaxes definitivas de persoas admitidas e excluídas.

Contra esta resolución poderá presentarse recurso de reposición perante a persoa titular da Consellería de Facenda e Administración Pública no prazo dun mes contado desde o día seguinte ao da súa publicación, segundo establecen os artigos 123 e 124 da Lei 39/2015, do 1 de outubro, ou impugnala directamente ante o Xulgado do Contencioso-Administrativo de Santiago de Compostela, no prazo de dous meses, contados desde a mesma data, de conformidade co disposto na Lei 29/1998, do 13 de xullo, reguladora da xurisdición contencioso-administrativa.

Quinta. Fases do concurso e baremo de valoración

1. O concurso específico consiste na valoración dos méritos e das capacidades, os coñecementos ou as aptitudes determinados na convocatoria e relacionados cos postos de traballo que se vaian prover.

2. O concurso constará de dúas fases, na primeira valóranse os méritos, xerais ou específicos, e na segunda, as capacidades, as aptitudes ou os coñecementos que deberán gardar relación directa co perfil do posto que se vai prover, garantindo o respecto do principio de obxectividade.

3. As persoas aspirantes con algunha discapacidade recoñecida poderán pedir na solicitude de participación as posibles adaptacións de tempo e medios para a realización da segunda fase.

4. A valoración dos méritos efectuarase de acordo co seguinte baremo:

I. Primeira fase: Méritos xerais e específicos

1. Consonte o recollido no número 6 do artigo 20 do Decreto 151/2022, do 4 de agosto, deben terse en conta as seguintes cuestións:

– A puntuación da primeira fase supoñerá o cincuenta e cinco por cento da puntuación máxima alcanzable.

Os méritos valóranse con referencia á data de peche de presentación de solicitudes. Sen prexuízo do previsto no punto 6 da base terceira, non se terán en conta nin serán valorados os méritos que non queden debidamente acreditados en todos os seus puntos no momento de finalización do prazo de presentación de solicitudes previsto nesta convocatoria.

2. A valoración dos méritos corresponderá á Comisión de Valoración prevista na base sétima.

Os méritos a valorar serán os seguintes, tendo en conta as regras xerais antes indicadas:

a) Antigüidade. A puntuación máxima será de 9 puntos.

Por cada mes de servizos como persoal funcionario: 0,025 puntos

Para estes efectos, computaranse os servizos recoñecidos polo órgano competente de conformidade co establecido na Lei 70/1978, do 26 de decembro, de recoñecemento de servizos prestados na Administración pública. Para estes efectos, computaranse os servizos prestados tanto na situación de servizo activo como na de servizos especiais.

b) Traballo desenvolvido.

Computarase o traballo desenvolvido nos postos de traballo anteriormente desempeñados, distintos ao posto que se convoca, desenvolvidos indistintamente nas áreas da Dirección Xeral de Orzamentos e Financiamento Autonómico como da Intervención Xeral da Comunidade Autónoma.

A puntuación máxima será de 12 puntos, de acordo co seguinte:

– Por desempeño de postos de traballo de nivel superior ao que se solicita: 0,030 puntos por mes traballado, cunha puntuación máxima de 12 puntos.

– Por desempeño de postos de traballo de igual nivel ao que se solicita: 0,025 puntos por cada mes traballado, cunha puntuación máxima de 10 puntos.

– Por desempeño de postos de traballo de nivel inferior en dous ou menos niveis ao que se solicita: 0,020 puntos por cada mes traballado, cunha puntuación máxima de 9 puntos.

– Por desempeño de postos de traballo de nivel inferior en tres ou máis niveis ao que se solicita: 0,015 puntos por cada mes traballado, cunha puntuación máxima de 7 puntos.

O tempo de traballo desenvolvido irá expresado en meses de 30 días.

Ao persoal funcionario a dispor do órgano competente en materia de persoal compútaselle o nivel correspondente ao grado persoal consolidado que tivese durante o tempo que permanecese nesa situación.

O tempo de servizos prestado na situación de servizos especiais será valorado conforme ao recollido no artigo 168.2 da Lei 2/2015, do 29 de abril.

c) Cursos de formación ou perfeccionamento realizados. A puntuación máxima será de 7 puntos.

Valorarase a superación de cursos que versen sobre materias directamente relacionadas coas funcións propias do posto de traballo convocado, así como as referidas a igualdade e prevención de riscos laborais, organizados e impartidos directamente pola Escola Galega de Administración Pública (EGAP), o Instituto Nacional de Administración Pública (INAP), as escolas oficiais de formación similares das restantes comunidades autónomas e as universidades públicas, Instituto de Estudios Fiscales, Tribunal de Cuentas, Consello de Contas, a Autoridade Independente de Responsabilidade Fiscal (AIReF), a Fundación Empresa-Universidade Galega (FEUGA); cursos impartidos polo Colexio de Rexistradores da Propiedade; cursos impartidos no marco do Acordo de formación para o emprego das administracións públicas (AFEDAP) e os cursos impartidos polas organizacións sindicais sempre que estean homologados pola EGAP.

Só se valorarán os cursos que versen sobre as seguintes materias:

– Para todos os postos: contratación, subvencións, xestión de persoal, procedemento administrativo e réxime xurídico das administracións públicas, transparencia, prevención da corrupción, avaliación de políticas públicas, ferramentas informáticas de auditoría e seguridade da información e protección de datos de carácter persoal, ferramentas, sistemas e procesos informáticos de xestión de software e infraestruturas informáticas, igualdade e prevención de riscos laborais.

– Para os postos da Dirección Xeral de Orzamentos e Financiamento Autonómico: xestión económica, xestión orzamentaria.

– Para os postos da Intervención Xeral da Comunidade Autónoma: fiscalización, contabilidade pública, xestión económica contable, xestión e control de fondos europeos.

Por cada curso de duración igual ou superior a 8 horas lectivas, valorarase con 0,01 puntos cada hora de formación, ata un máximo de 1,5 puntos por curso.

Non se valorará o seguinte:

– A asistencia a congresos, xornadas, seminarios, simposios e similares.

– As materias ou créditos que formen parte dunha titulación académica e os cursos de doutoramento, nin os módulos ou partes integrantes dun curso.

– Os cursos que formen parte de módulos ou créditos que dean acceso a titulacións académicas oficiais ou convalidables por créditos universitarios.

– Os cursos que formen parte dos procesos de selección de persoal funcionario.

Se a persoa candidata posúe varios cursos de contido idéntico e repetitivo, excepto os de continuación e especialización uns doutros, só se valorará o de maior duración.

Ao establecerse como mérito o certificado de competencias dixitais non se poderán computar neste apartado os cursos necesarios para a obtención do devandito certificado.

d) Grao de coñecemento de linguaxe administrativa galega. A puntuación máxima será de 2 puntos.

– Curso medio de linguaxe administrativa galega, curso medio de linguaxe xurídica galega, ciclo superior dos estudos de galego das escolas oficiais de idiomas ou Celga 5: 1,5 puntos.

– Curso superior de linguaxe administrativa galega ou curso superior de linguaxe xurídica galega: 2 puntos.

En caso de acreditar máis dun grao de coñecemento do idioma galego, só se computará a puntuación correspondente ao superior.

e) Certificado de competencias dixitais.

No caso de posuír certificación dentro do Marco galego de competencias dixitais outorgarase unha puntuación máxima de 2 puntos.

– Curso de nivel iniciación: 1,5 puntos.

– Curso de nivel intermedio: 2 puntos.

f) Experiencia profesional específica.

A experiencia profesional específica refírese ao desempeño do posto de traballo obxecto do concurso específico.

– Polo desempeño do posto obxecto do concurso específico: 0,17 puntos por cada mes traballado, cunha puntuación máxima de 15 puntos.

O tempo de traballo desenvolvido na experiencia profesional específica irá expresado en meses de 30 días.

g) Medidas de conciliación da vida laboral e familiar e de igualdade de xénero.

Polo desfrute de excedencia por coidado de familiares, licenza por risco de embarazo ou durante o período de lactación natural, permiso por parto, adopción ou acollemento, permiso do outro proxenitor por nacemento, acollemento ou adopción de fillo/a, redución de xornada ou calquera outro permiso ou beneficio outorgado co fin de protexer a maternidade e facilitar a conciliación da vida persoal, familiar e laboral: 0,014 puntos por mes, cunha puntuación máxima de 0,5 puntos.

No caso de familias monoparentais a puntuación deste apartado incrementarase nun 10%, sen que se poida superar a puntuación máxima establecida para a primeira fase.

h) Titulacións académicas oficiais de máster ou doutoramento. A puntuación outorgada será a seguinte:

– Máster correspondente ao nivel 3 do Marco Español de Cualificacións para a Educación Superior (MECES): 0,80 puntos.

– Doutoramento correspondente ao nivel 4 de MECES: 1 punto.

A puntuación máxima será de 1 punto.

i) Destino previo do cónxuxe ou parella de feito do persoal funcionario. A puntuación máxima será de 0,5 puntos. Cando o cónxuxe ou parella de feito teña o seu lugar de traballo no concello onde radique o posto ou postos de traballo solicitados, sempre que acceda desde concello distinto.

j) Coñecemento de idioma estranxeiro oficial no eido da Unión Europea. Valoraranse aqueles títulos que consten no cadro de equivalencias de exames oficiais do Marco Europeo para as Linguas. A puntuación máxima será de 1 punto. En caso de acreditar máis dun grao de coñecemento do mesmo idioma, só se computará a puntuación correspondente ao superior.

– Coñecementos de nivel B1: 0,15 puntos.

– Coñecementos de nivel B2: 0,20 puntos.

– Coñecementos de nivel C1: 0,25 puntos.

– Coñecementos de nivel C2: 0,30 puntos.

k) Pola pertenza a un determinado grupo ou subgrupo de clasificación. A puntuación máxima será de 5 puntos.

– Pola pertenza ao subgrupo A1: 5 puntos.

– Pola pertenza ao subgrupo A2: 4,25 puntos.

II. Segunda fase.

1. Tendo en conta o recollido no Decreto 151/2022, do 4 de agosto, a segunda fase do concurso específico supoñerá o corenta e cinco por cento da puntuación máxima alcanzable e consistirá na valoración das capacidades, aptitudes e coñecementos que se determinen na convocatoria. A valoración da segunda fase tamén será realizada pola Comisión de Valoración.

2. A segunda fase consistirá na presentación dunha memoria e unha exposición curricular, que se deberán presentar xunto coa solicitude de participación.

A memoria consistirá nunha análise das tarefas do posto solicitado e dos requisitos, condicións e medios necesarios para o seu desempeño, con base na descrición de funcións que figuran no correspondente decreto de estrutura. No caso de solicitar varios dos postos con funcións similares relacionados nun mesmo apartado do anexo II só se presentará unha única memoria para todos eles. A persoa aspirante poderá incluír na memoria as súas achegas persoais para mellorar o funcionamento do servizo no que se desempeña o posto de traballo ao que pretende acceder. A memoria contará cunha extensión máxima de seis páxinas, a dobre espazo, letra Xunta Sans 11.

A exposición curricular contará cunha extensión máxima de tres páxinas, a dobre espazo, letra Xunta Sans 11, e incluirá os aspectos máis relevantes da súa traxectoria profesional.

A presentación da dita documentación farase seguindo o procedemento fixado nesta convocatoria. No caso da memoria, deberá terse en conta á hora de presentala que non se admitirá ningún tipo de marca ou dato identificativo nela, para garantir a súa lectura pola Comisión de Valoración sen coñecer a identidade das persoas aspirantes, prevista nesta convocatoria con carácter previo á súa exposición pública.

3. Con carácter previo á lectura da memoria, a Comisión de Valoración establecerá os criterios de valoración, fixando os parámetros para avaliar a adecuación do contido da memoria ás funcións do posto de traballo que se solicita. Os criterios de valoración deberán recollerse na acta da correspondente sesión.

4. A valoración da memoria comezará coa lectura da memoria por parte das persoas que integran a Comisión de Valoración. A lectura farase sen coñecer a identidade das persoas aspirantes. Unha vez que remate este trámite, publicarase no portal web corporativo da Consellería de Facenda e Administración Pública o día, hora e lugar no que deberán presentarse as persoas aspirantes para a exposición pública da memoria. Cada persoa terá un tempo máximo de intervención de 10 minutos e unha vez rematada a exposición, terá que atender as preguntas, as aclaracións, os comentarios e as suxestións que puidesen formular os membros da Comisión de Valoración. No caso de que a persoa aspirante solicite varios dos postos con funcións similares relacionados nun mesmo apartado do anexo II, para os que só se presenta unha única memoria para todos eles, realizarase unha única lectura e unha única exposición pública da memoria. A cualificación da dita memoria e da súa exposición pública aplicarase a todos os postos con funcións similares solicitados aos que se refira a memoria.

5. A memoria cualificarase cun máximo de 15 puntos atendendo ao acertado do seu contido, pertinencia, coherencia e grao de consistencia das formulacións en relación coas funcións que se van a desenvolver, corrección sintáctica, estruturación e presentación visual. A puntuación final obtense por media aritmética das outorgadas por cada un dos membros da Comisión de Valoración, debendo rexeitarse a máxima e a mínima concedidas ou, no seu caso, unha das que aparezan repetidas como tales.

As puntuacións outorgadas, así como a valoración final, deberán reflectirse na acta da correspondente sesión.

6. A exposición pública da memoria cualificarase cun máximo de 15 puntos, atendendo á claridade expositiva, capacidade de síntese e adaptación ao tempo dispoñible, capacidade de argumentación (na exposición e perante comentarios e preguntas) e a capacidade de comunicación. A puntuación final obtense por media aritmética das outorgadas por cada unha das persoas que integran a Comisión de Valoración, debendo rexeitarse a máxima e a mínima concedidas ou, no seu caso, unha das que aparezan repetidas como tales. As puntuacións outorgadas, así como a valoración final, deberán recollerse na acta da correspondente sesión.

7. A exposición curricular cualificarase cun máximo de 15 puntos, atendendo a análise das capacidades, habilidades, competencias, formación e experiencia requiridas para o posto ofertado. A puntuación final obtense por media aritmética das outorgadas por cada unha das persoas que integran a Comisión de Valoración, debendo rexeitarse a máxima e a mínima concedidas ou, no seu caso, unha das que aparezan repetidas como tales. As puntuacións outorgadas, así como a valoración final, deberán recollerse na acta da correspondente sesión.

Sexta. Acreditación de requisitos e méritos

1. Os datos relativos ás circunstancias persoais e administrativas das persoas que participan no concurso, así como os concernentes aos méritos que se acheguen, terán que acreditarse debidamente, de conformidade co que se estableza nesta convocatoria, e terán que ser os que correspondan á data de finalización do prazo de presentación de solicitudes.

En particular:

a) Certificado de méritos relativo a antigüidade, traballo desenvolvido e experiencia profesional específica mediante certificación expedida polo órgano competente en materia de persoal da Administración de orixe da persoa interesada, segundo o modelo establecido no anexo III.

Non será necesario achegar o certificado de méritos cando a persoa aspirante sexa persoal funcionario de carreira incluído no ámbito de competencias da Dirección Xeral de Emprego Público e Administración de Persoal.

b) Para os cursos de formación e perfeccionamento, mediante orixinal ou copia auténtica do certificado de asistencia ao curso, no cal deberá constar o organismo ou entidade que o convocou e impartiu, as datas de realización, o contido do curso e o número de horas e/ou créditos asignados.

c) Para a acreditación do nivel de coñecemento da lingua galega, do xeito establecido no apartado anterior. Só se concederá validez aos cursos, estudos ou titulacións validadas polo órgano competente de acordo coa Orde do 16 de xullo de 2007 (DOG núm. 146, do 30 de xullo), modificada pola Orde do 10 de febreiro de 2014 (DOG núm. 34, do 19 de febreiro), pola que se regulan os certificados oficiais acreditativos dos niveis de coñecemento da lingua galega (Celga), e pola Orde do 13 de xuño de 2011 pola que se regulan os cursos de linguaxe administrativa e xurídica galegos (DOG núm. 121, do 24 de xuño).

d) Para a acreditación da formación académica, mediante orixinal ou copia electrónica auténtica do título expedido polo órgano con competencias na materia onde consten os méritos e data en que foron causados. No caso de cursos de doutoramento, a certificación debe acreditar que a persoa aspirante realizou todos os cursos de doutoramento e o programa de créditos obtidos.

e) Para a acreditación do coñecemento de idiomas estranxeiros oficiais no eido da Unión Europea, mediante orixinal ou copia auténtica da certificación do organismo ou entidade convocante na que conste o contido e o número de horas da actividade formativa.

f) Para a acreditación das competencias dixitais, mediante orixinal ou copia auténtica da certificación do organismo ou entidade convocante na que conste o contido da actividade formativa.

g) Para a acreditación do destino previo do cónxuxe, mediante certificado de matrimonio ou acreditación de ser parella de feito e certificación expedida polo servizo de persoal da administración correspondente que acredite a relación de servizos da persoa cónxuxe, a súa localidade de destino, o posto que desempeña e a data na que o obtivo.

Para o persoal funcionario de carreira incluído no ámbito de competencias da Dirección Xeral de Emprego Público e Administración de Persoal esta comprobación farase de oficio.

h) Para a acreditación das medidas de conciliación, mediante certificado expedido polo servizo de persoal da administración de orixe da persoa aspirante que acredite esta circunstancia e o tempo de desfrute.

Para o persoal funcionario de carreira incluído no ámbito de competencias da Dirección Xeral de Emprego Público e Administración de Persoal esta comprobación realizarase de oficio.

A condición de familia monoparental acreditarase mediante certificado expedido pola Consellería de Política Social e Igualdade.

Para todo o persoal que participe neste concurso específico, a documentación referente aos cursos de formación/perfeccionamento, o nivel de coñecemento da lingua galega, as titulacións académicas oficiais de máster ou doutoramento e os idiomas estranxeiros oficiais no eido da Unión Europea, deberá incorporarse a través da canle Fides (https://fides.xunta.gal) ao seu expediente persoal electrónico, de non estar a dita documentación xa incorporada, segundo o recollido na Resolución do 5 de decembro de 2023, da Dirección Xeral da Función Pública, pola que se ditan instrucións para regular o contido, o uso e o acceso ao expediente persoal electrónico do persoal empregado público da Administración xeral da Comunidade Autónoma de Galicia e das súas entidades públicas instrumentais (DOG núm. 237, do 15 de decembro).

2. Calquera mérito omitido inicialmente pola persoa aspirante (sempre que non poida ser comprobado de oficio por esta administración) non poderá ser invocado para os efectos de futuras reclamacións, nin considerar por tal motivo lesionados os seus intereses e/ou dereitos.

3. A Comisión de Valoración poderá solicitar as aclaracións ou a documentación adicional que considere necesarias para a comprobación dos méritos alegados.

Sétima. Comisión de Valoración do concurso específico

1. A Comisión de Valoración do concurso específico é o órgano colexiado encargado de valorar os méritos, as capacidades, as aptitudes ou os coñecementos alegados polas persoas aspirantes e de efectuar a proposta de adxudicación dos postos de traballo ofertados. Esta comisión terá a categoría primeira das previstas no Decreto 144/2001, do 7 de xuño, sobre indemnizacións por razón do servizo ó persoal con destino na Administración autonómica de Galicia.

2. A Comisión de Valoración terá a seguinte composición:

a) Presidente: Juan José Rodríguez Díaz.

b) Vogais: Elena Muñoz Fonteriz, Laura Carmen Periago Rodríguez e Fernando Brandeiro Candales.

c) Secretaria, con voz e voto: María Dolores Veiga Gondelle.

A Comisión de Valoración poderá solicitar a designación de persoas expertas que, en calidade de asesoras, actuarán con voz pero sen voto.

3. O funcionamento da Comisión de Valoración axustarase aos principios de imparcialidade e obxectividade e rexerase polo disposto na sección terceira do capítulo I do título I da Lei 16/2010, do 17 de decembro, de organización e funcionamento da Administración xeral e do sector público autonómico de Galicia e polo disposto nos artigos 15 a 18 da Lei 40/2015, do 1 de outubro, de réxime xurídico do sector público. As reunións da Comisión de Valoración poderanse realizar de xeito telemático.

4. A Comisión de Valoración poderá solicitar ás persoas aspirantes as aclaracións ou, se é o caso, a documentación adicional que se considere necesaria para a comprobación dos méritos alegados.

5. A Comisión de Valoración propoñerá á persoa aspirante que obtivese maior puntuación.

6. A proposta que, de acordo no establecido no punto anterior, realice a Comisión de Valoración terá carácter vinculante para o órgano encargado da resolución da convocatoria do concurso.

Os acordos adoptados pola Comisión de Valoración poderán ser obxecto de recurso de alzada ante a persoa titular da Consellería de Facenda e Administración Pública, nos termos previstos nos artigos 121 e 122 da Lei 39/2015, do 1 de outubro.

Oitava. Procedemento de valoración e adscrición

1. No proceso de valoración poderá recadarse formalmente das persoas interesadas as aclaracións ou, se é o caso, a documentación adicional que se considere necesaria para a comprobación dos méritos alegados.

2. Rematado o proceso de valoración dos méritos da primeira fase das persoas aspirantes, a Comisión de Valoración elaborará unha proposta provisional coa puntuación obtida por cada persoa candidata, que será publicada no portal web corporativo da Consellería de Facenda e Administración Pública. Contra a dita resolución, as persoas aspirantes poderán formular as oportunas reclamacións no prazo de dez (10) días hábiles que se contarán a partir do día seguinte ao da publicación. As reclamacións dirixiranse ao Servizo de Persoal da Consellería de Facenda e Administración Pública e poderán presentarse en calquera das formas establecidas no artigo 16.4 da Lei 39/2015, do 1 de outubro. Examinadas e resoltas pola comisión as reclamacións, se as houbese, elevarase unha proposta definitiva de valoración dos méritos da primeira fase, que se publicará no portal web corporativo da Consellería de Facenda e Administración Pública.

3. A relación de persoas aspirantes citadas á exposición pública da segunda fase do proceso publicarase no portal web corporativo da Consellería de Facenda e Administración Pública con polo menos tres (3) días hábiles de antelación. A falta de comparecencia ao acto de exposición e defensa determinará a exclusión da persoa aspirante.

Rematada a exposición da memoria por todas as persoas aspirantes a Comisión de Valoración elaborará unha proposta provisional coa puntuación obtida por cada persoa aspirante, que será publicada no portal web corporativo da Consellería de Facenda e Administración Pública. Contra a dita resolución as persoas aspirantes poderán formular as oportunas reclamacións no prazo de dez (10) días hábiles, que se contarán a partir do día seguinte ao da publicación. As reclamacións dirixiranse ao Servizo de Persoal da Consellería de Facenda e Administración Pública e poderán presentarse en calquera das formas establecidas no artigo 16.4 da Lei 39/2015, do 1 de outubro. Examinadas e resoltas pola Comisión as reclamacións, se as houbese, elevarase unha proposta definitiva de valoración da segunda fase do concurso específico, que se publicará no portal web corporativo da Consellería de Facenda e Administración Pública.

Novena. Resolución do concurso específico

1. A orde de prioridade para a adxudicación dos postos de traballo determinarase pola puntuación obtida polas persoas aspirantes, sumados os resultados finais das dúas fases.

2. En caso de empate nas puntuacións acudirase para dirimilo ao total na segunda fase, e de continuar o empate, as puntuacións obtidas na primeira fase dos méritos seguindo a orde de prelación dos méritos recollidos na base quinta. De persistir o empate, resolverase pola orde alfabética do apelido que resulta do sorteo ao que se refire o Regulamento de selección de persoal da Administración da Comunidade Autónoma de Galicia para cada anualidade.

3. A resolución do concurso específico corresponde á persoa titular da Consellería de Facenda e Administración Pública. A dita resolución farase pública no portal web corporativo da Consellería de Facenda e Administración Pública e no Diario Oficial de Galicia.

Aceptaranse as renuncias á participación ata a sinatura da resolución de adxudicación. A renuncia do adxudicatario dun posto suporá a adxudicación ao seguinte de maior puntuación.

4. Contra esta resolución poderase interpoñer, no prazo dun mes contando desde o día seguinte ao da súa publicación no Diario Oficial de Galicia e de conformidade co establecido na Lei 39/2015, do 1 de outubro, recurso potestativo de reposición ante o mesmo órgano, ou directamente recurso contencioso-administrativo ante o Xulgado do contencioso-administrativo de Santiago de Compostela que corresponda, no prazo de dous meses contados desde a mesma data e de conformidade co establecido na Lei 29/1998, do 13 de xullo.

Décima. Adxudicación de destinos

1. Os destinos adxudicados serán irrenunciables, salvo que con anterioridade á finalización do prazo posesorio se obteña outro destino mediante convocatoria pública, ben polo procedemento de libre designación ou por concurso, casos en que poderán optar entre os postos adxudicados, estando obrigados a comunicar por escrito a opción realizada á Consellería de Facenda e Administración Pública no prazo de tres (3) días hábiles.

2. Os traslados que deriven da resolución do presente concurso terán a consideración de voluntarios; en consecuencia, non xerarán dereito á indemnización.

Décimo primeira. Toma de posesión

1. O prazo para tomar posesión do novo destino obtido será de tres (3) días hábiles, se non implica cambio de residencia, ou de sete (7) días hábiles se comporta cambio de residencia.

Cando a persoa adxudicataria do posto obteña coa súa toma de posesión o reingreso ao servizo activo, o prazo será dun mes. O prazo de toma de posesión comezará a contar a partir do día seguinte ao do cesamento, que deberá efectuarse na data que se determine na resolución definitiva do concurso específico. Se a resolución comporta o reingreso ao servizo activo, o prazo de toma de posesión deberá computarse desde a dita data. Para calquera outra cuestión estarase ao disposto no Decreto 151/2022, do 4 de agosto.

2. Para todos os efectos, o prazo de toma de posesión considerarase como de servizo activo, e os efectos económicos comezarán na data que se determine en aplicación da orde pola que se ditan instrucións sobre a confección de nóminas do persoal ao servizo da Administración autonómica para o correspondente exercicio económico.

Décimo segunda. Valoración dos postos obtidos por concurso específico

Os postos de traballo obtidos polo procedemento de concurso específico, de conformidade co previsto no número 7 do artigo 91 da Lei 2/2015, do 29 de abril, e no artigo 23 do Decreto 151/2022, do 4 de agosto, serán obxecto dunha valoración cada cinco anos, realizada por unha comisión técnica designada polo órgano competente en materia de persoal da consellería de destino.

Esta comisión estará formada por un total de cinco persoas, unha delas proposta pola consellería competente en materia de emprego pública. A súa composición adecuarase ao criterio de paridade entre homes e mulleres.

O procedemento de avaliación iniciarase tres meses antes de que finalice o prazo de cinco anos de vixencia do correspondente nomeamento, por resolución do órgano competente en materia de persoal da consellería da que dependa o posto asignado e darase conta da iniciación do procedemento á persoa interesada.

Décimo terceira. Remoción do posto obtido por concurso específico

O persoal funcionario de carreira que acceda a un posto polo procedemento de concurso específico soamente poderá ser removido del polas causas previstas no número 1 do artigo 94 da Lei 2/2015, do 29 de abril, de conformidade co procedemento de remoción previsto no Decreto 151/2022, do 4 de agosto.

Décimo cuarta. Recursos

Esta resolución pon fin á vía administrativa e contra ela as persoas interesadas poderán presentar recurso potestativo de reposición ante a persoa titular da Consellería de Facenda e Administración Pública no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, ou impugnala directamente ante a Sala do contencioso-administrativo do Tribunal Superior de Xustiza de Galicia, no prazo de dous meses, contados desde a mesma data, de conformidade co disposto na Lei 29/1998, do 13 de xullo.

Santiago de Compostela, 12 de maio de 2026

O conselleiro de Facenda e Administración Pública
P.D. (Orde do 15.12.2021, DOG núm. 246, do 24 de decembro)
David Cabañó Fernández
Secretario xeral técnico e do Tesouro
da Consellería de Facenda e Administración Pública

ANEXO I

Postos vacantes

Nº posto	Código do posto	Denominación	Nivel	Complem. específ.	Subgr.	Corpo ou escala	Tipo de adscr./ Área func.	Formac. específ.	Centro direct. ou depend.	Localidade
1	FC.C03.00.001.15770.005	Xefatura Servizo Programas Orzamentarios e do FCI	28	23684,41	A1A2	XMF/ XSF	AXG		Dirección Xeral de Orzamentos e Financiamento Autonómico – Subdirección Xeral de Orzamentos	Santiago de Compostela
2	FC.C03.00.001.15770.011	Servizo Programas Orzamentarios en Materia Sanitaria	28	23684,41	A1A2	XMF/ XSF	AXG		Dirección Xeral de Orzamentos e Financiamento Autonómico – Subdirección Xeral de Orzamentos	Santiago de Compostela
3	FC.C03.00.001.15770.020	Servizo Programas Orzamentarios Materia Emprego Social	28	23684,41	A1A2	XMF/ XSF	AXG		Dirección Xeral de Orzamentos e Financiamento Autonómico – Subdirección Xeral de Orzamentos	Santiago de Compostela
4	FC.C03.00.002.15770.013	Xefatura Servizo Planificación e Xestión de Recursos	28	23684,41	A1A2	XMF/ XSF	AXG		Dirección Xeral de Orzamentos e Financiamento Autonómico – Subdirección Xeral de Financiamento Autonómico, Recursos e Análise Orzamentaria	Santiago de Compostela
5	FC.C03.00.004.15770.004	Xefatura Servizo Análise e Seguimento Gastos Persoal	28	23684,41	A1A2	XMF/ XSF	AXG		Dirección Xeral de Orzamentos e Financiamento Autonómico – Subdirección Xeral de Custos de Persoal	Santiago de Compostela
6	FC.C03.00.004.15770.014	Xefa Ser Program. e Orzamentación de Custos Persoal	28	23684,41	A1A2	XMF/ XSF	AXG		Dirección Xeral de Orzamentos e Financiamento Autonómico – Subdirección Xeral de Custos de Persoal	Santiago de Compostela
7	FC.C07.00.002.15770.006	Servizo de Planificación e Regulación Contable	28	23684,41	A1A2	XMF2/ XSF2	AXG		Intervención Xeral da Comunidade Autónoma – Subdirección Xeral de Contabilidade	Santiago de Compostela
8	FC.C07.00.002.15770.010	Xefatura Servizo de Xestión Contable	28	23684,41	A1A2	XMF2/ XSF2	AXG		Intervención Xeral da Comunidade Autónoma – Subdirección Xeral de Contabilidade	Santiago de Compostela
9	FC.C07.00.007.15770.001	Xefatura de Servizo do Equipo De Auditoría	28	23684,41	A1A2	XMF/ XSF	AXG		Intervención Xeral da Comunidade Autónoma – Estrutura de Xestión Integrada de Santiago de Compostela e Barbanza	Santiago de Compostela
10	FC.C07.00.012.15770.005	Xefatura Servizo de Fiscalización e Contabilidade	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada de Medio Ambiente e Cambio Climático	Santiago de Compostela
11	FC.C07.00.013.15770.005	Xefatura Servizo Fiscalización e Contabilidade I	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería de Educación, Ciencia, Universidades e Formación Profesional	Santiago de Compostela
12	FC.C07.00.013.15770.018	Xefatura Servizo Fiscalización e Contabilidade II	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería de Educación, Ciencia, Universidades e Formación Profesional	Santiago de Compostela
13	FC.C07.00.015.15770.005	Xefatura Servizo Fiscalización e Contabilidade	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería de Economía e Industria	Santiago de Compostela
14	FC.C07.00.016.15770.005	Xefatura Servizo Fiscalización e Contabilidade	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería de Facenda e Administración Pública	Santiago de Compostela
15	FC.C07.00.016.15770.016	Xefatura Servizo de Control Patrimonial e do Tesouro	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería de Facenda e Administración Pública	Santiago de Compostela
16	FC.C07.00.017.15770.005	Xefatura Servizo Fiscalización e Contabilidade	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería de Vivenda e Planificación de Infraestruturas	Santiago de Compostela
17	FC.C07.00.019.15770.005	Xefatura Servizo Fiscalización e Contabilidade	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería de Cultura, Lingua e Xuventude	Santiago de Compostela
18	FC.C07.00.020.15770.005	Xefatura Servizo Fiscalización e Contabilidade	28	23684,41	A1A2	XMF2/ XSF2	A11	640	Intervención Xeral da Comunidade Autónoma – Intervención Delegada da Consellería de Emprego, Comercio e Emigración	Santiago de Compostela
19	FC.C07.00.021.15770.005	Xefatura Servizo Fiscalización e Contabilidade I	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería do Medio Rural	Santiago de Compostela
20	FC.C07.00.021.15770.018	Xefatura Servizo Fiscalización e Contabilidade II	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería do Medio Rural	Santiago de Compostela
21	FC.C07.00.030.15001.005	Interventor/a Habilitado/a	28	21352,51	A1A2	XMF2/ XSF2	AXG		Intervención Xeral da Comunidade Autónoma – Intervención Territorial da Coruña	A Coruña
22	FC.C07.00.031.15001.001	Xefatura Servizo do Equipo de Auditoría	28	21352,51	A1A2	XMF/ XSF	AXG		Intervención Xeral da Comunidade Autónoma – Estrutura de Xestión Integrada da Coruña	A Coruña
23	FC.C07.00.031.15350.001	Xefatura Servizo do Equipo de Auditoría	28	21352,51	A1A2	XMF/ XSF	AXG		Intervención Xeral da Comunidade Autónoma – Estrutura de Xestión Integrada de Ferrol	Ferrol
24	FC.C07.00.031.27001.001	Xefatura Servizo do Equipo de Auditoría	28	21352,51	A1A2	XMF/ XSF	AXG		Intervención Xeral da Comunidade Autónoma – Estrutura de Xestión Integrada de Lugo, Cervo e Monforte de Lemos	Lugo
25	FC.C07.00.031.32001.001	Xefatura Servizo do Equipo de Auditoría	28	21352,51	A1A2	XMF/ XSF	AXG		Intervención Xeral da Comunidade Autónoma – Estrutura de Xestión Integrada de Ourense, Verín e o Barco de Valdeorras	Ourense
26	FC.C07.00.031.36001.001	Xefatura Servizo do Equipo de Auditoría	28	21352,51	A1A2	XMF/ XSF	AXG		Intervención Xeral da Comunidade Autónoma – Estrutura de Xestión Integrada de Pontevedra e o Salnés	Pontevedra
27	FC.C07.00.031.36560.003	Xefatura Servizo do Equipo de Auditoría	28	21352,51	A1A2	XMF/ XSF	AXG		Intervención Xeral da Comunidade Autónoma – Estrutura de Xestión Integrada de Vigo	Vigo

*Relación de corpo/escala:

XSF – Xeral (escala superior de finanzas)

XMF – Xeral (escala técnica de finanzas)

XSF2 – Xeral (escala superior de finanzas, especialidade Intervención)

XMF2 – Xeral (escala técnica de finanzas, especialidade Contabilidade e Intervención)

* Relación de adscrición:

A11 – Adscrición indistinta a funcionarios da Xunta de Galicia, Estado e CC.AA.

AXG – Adscrición exclusiva a funcionarios da Xunta de Galicia

* Relación de formación específica:

640 – Para persoal doutra Administración, curso de perfeccionamento de galego (R.I.)

ANEXO II

Postos con funcións similares

A. Postos na Dirección Xeral de Orzamentos e Financiamento Autonómico.

1. Grupo 1.

Nº posto	Código do posto	Denominación	Nivel	Complem. específ.	Subgr.	Corpo ou escala	Tipo de adscr./ Área func.	Formac. específ.	Centro direct. ou depend.	Localidade
1	FC.C03.00.001.15770.005	Xefatura Servizo Programas Orzamentarios e do FCI	28	23684,41	A1A2	XMF/ XSF	AXG		Dirección Xeral de Orzamentos e Financiamento Autonómico – Subdirección Xeral de Orzamentos	Santiago de Compostela
2	FC.C03.00.001.15770.011	Servizo Programas Orzamentarios en Materia Sanitaria	28	23684,41	A1A2	XMF/ XSF	AXG		Dirección Xeral de Orzamentos e Financiamento Autonómico – Subdirección Xeral de Orzamentos	Santiago de Compostela
3	FC.C03.00.001.15770.020	Servizo Programas Orzamentarios Materia Emprego Social	28	23684,41	A1A2	XMF/ XSF	AXG		Dirección Xeral de Orzamentos e Financiamento Autonómico – Subdirección Xeral de Orzamentos	Santiago de Compostela

Grupo 2.

Nº posto	Código do posto	Denominación	Nivel	Complem. específ.	Subgr.	Corpo ou escala	Tipo de adscr./ Área func.	Formac. específ.	Centro direct. ou depend.	Localidade
4	FC.C03.00.002.15770.013	Xefatura Servizo Planificación e Xestión de Recursos	28	23684,41	A1A2	XMF/ XSF	AXG		Dirección Xeral de Orzamentos e Financiamento Autonómico – Subdirección Xeral de Financiamento Autonómico, Recursos e Análise Orzamentaria	Santiago de Compostela

Grupo 3.

Nº posto	Código do posto	Denominación	Nivel	Complem. específ.	Subgr.	Corpo ou escala	Tipo de adscr./ Área func.	Formac. específ.	Centro direct. ou depend.	Localidade
5	FC.C03.00.004.15770.004	Xefatura Servizo Análise e Seguimento Gastos Persoal	28	23684,41	A1A2	XMF/ XSF	AXG		Dirección Xeral de Orzamentos e Financiamento Autonómico – Subdirección Xeral de Custos de Persoal	Santiago de Compostela
6	FC.C03.00.004.15770.014	Xefa Ser Program. e Orzamentación de Custos Persoal	28	23684,41	A1A2	XMF/ XSF	AXG		Dirección Xeral de Orzamentos e Financiamento Autonómico – Subdirección Xeral de Custos de Persoal	Santiago de Compostela

B. Postos na Intervención Xeral da Comunidade Autónoma.

Grupo 1.

Nº posto	Código do posto	Denominación	Nivel	Complem. específ.	Subgr.	Corpo ou escala	Tipo de adscr./ Área func.	Formac. específ.	Centro direct. ou depend.	Localidade
7	FC.C07.00.002.15770.006	Servizo de Planificación e Regulación Contable	28	23684,41	A1A2	XMF2/ XSF2	AXG		Intervención Xeral da Comunidade Autónoma – Subdirección Xeral de Contabilidade	Santiago de Compostela

Grupo 2.

Nº posto	Código do posto	Denominación	Nivel	Complem. específ.	Subgr.	Corpo ou escala	Tipo de adscr./ Área func.	Formac. específ.	Centro direct. ou depend.	Localidade
8	FC.C07.00.002.15770.010	Xefatura Servizo de Xestión Contable	28	23684,41	A1A2	XMF2/ XSF2	AXG		Intervención Xeral da Comunidade Autónoma – Subdirección Xeral de Contabilidade	Santiago de Compostela

Grupo 3.

Nº posto	Código do posto	Denominación	Nivel	Complem. específ.	Subgr.	Corpo ou escala	Tipo de adscr./ Área func.	Formac. específ.	Centro direct. ou depend.	Localidade
9	FC.C07.00.007.15770.001	Xefatura de Servizo do Equipo De Auditoría	28	23684,41	A1A2	XMF/ XSF	AXG		Intervención Xeral da Comunidade Autónoma – Estrutura de Xestión Integrada de Santiago de Compostela e Barbanza	Santiago de Compostela
22	FC.C07.00.031.15001.001	Xefatura Servizo do Equipo de Auditoría	28	21352,51	A1A2	XMF/ XSF	AXG		Intervención Xeral da Comunidade Autónoma – Estrutura de Xestión Integrada da Coruña	A Coruña
23	FC.C07.00.031.15350.001	Xefatura Servizo do Equipo de Auditoría	28	21352,51	A1A2	XMF/ XSF	AXG		Intervención Xeral da Comunidade Autónoma – Estrutura de Xestión Integrada de Ferrol	Ferrol
24	FC.C07.00.031.27001.001	Xefatura Servizo do Equipo de Auditoría	28	21352,51	A1A2	XMF/ XSF	AXG		Intervención Xeral da Comunidade Autónoma – Estrutura de Xestión Integrada de Lugo, Cervo e Monforte de Lemos	Lugo
25	FC.C07.00.031.32001.001	Xefatura Servizo do Equipo de Auditoría	28	21352,51	A1A2	XMF/ XSF	AXG		Intervención Xeral da Comunidade Autónoma – Estrutura de Xestión Integrada de Ourense, Verín e o Barco de Valdeorras	Ourense
26	FC.C07.00.031.36001.001	Xefatura Servizo do Equipo de Auditoría	28	21352,51	A1A2	XMF/ XSF	AXG		Intervención Xeral da Comunidade Autónoma – Estrutura de Xestión Integrada de Pontevedra e o Salnés	Pontevedra
27	FC.C07.00.031.36560.003	Xefatura Servizo do Equipo de Auditoría	28	21352,51	A1A2	XMF/ XSF	AXG		Intervención Xeral da Comunidade Autónoma – Estrutura de Xestión Integrada de Vigo	Vigo

Grupo 4.

Nº posto	Código do posto	Denominación	Nivel	Complem. específ.	Subgr.	Corpo ou escala	Tipo de adscr./ Área func.	Formac. específ.	Centro direct. ou depend.	Localidade
10	FC.C07.00.012.15770.005	Xefatura Servizo de Fiscalización e Contabilidade	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada de Medio Ambiente e Cambio Climático	Santiago de Compostela
11	FC.C07.00.013.15770.005	Xefatura Servizo Fiscalización e Contabilidade I	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería de Educación, Ciencia, Universidades e Formación Profesional	Santiago de Compostela
12	FC.C07.00.013.15770.018	Xefatura Servizo Fiscalización e Contabilidade II	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería de Educación, Ciencia, Universidades e Formación Profesional	Santiago de Compostela
13	FC.C07.00.015.15770.005	Xefatura Servizo Fiscalización e Contabilidade	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería de Economía e Industria	Santiago de Compostela
14	FC.C07.00.016.15770.005	Xefatura Servizo Fiscalización e Contabilidade	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería de Facenda e Administración Pública	Santiago de Compostela
15	FC.C07.00.016.15770.016	Xefatura Servizo de Control Patrimonial e do Tesouro	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería de Facenda e Administración Pública	Santiago de Compostela
16	FC.C07.00.017.15770.005	Xefatura Servizo Fiscalización e Contabilidade	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería de Vivenda e Planificación de Infraestruturas	Santiago de Compostela
17	FC.C07.00.019.15770.005	Xefatura Servizo Fiscalización e Contabilidade	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería de Cultura, Lingua e Xuventude	Santiago de Compostela
18	FC.C07.00.020.15770.005	Xefatura Servizo Fiscalización e Contabilidade	28	23684,41	A1A2	XMF2/ XSF2	A11	640	Intervención Xeral da Comunidade Autónoma – Intervención Delegada da Consellería de Emprego, Comercio e Emigración	Santiago de Compostela
19	FC.C07.00.021.15770.005	Xefatura Servizo Fiscalización e Contabilidade I	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería do Medio Rural	Santiago de Compostela
20	FC.C07.00.021.15770.018	Xefatura Servizo Fiscalización e Contabilidade II	28	23684,41	A1A2	XMF2/ XSF2	AXG		Intervención Xeral da Comunidade Autónoma – Intervención Delegada da Consellería do Medio Rural	Santiago de Compostela
21	FC.C07.00.030.15001.005	Interventor/a Habilitado/a	28	21352,51	A1A2	XMF2/ XSF2	AXG		Intervención Xeral da Comunidade Autónoma – Intervención Territorial da Coruña	A Coruña