En cumprimento do disposto no artigo 27.2 da Lei 3/2008, do 23 de maio, de ordenación da minaría de Galicia, e no artigo 42.4 da Lei 21/2013, do 9 de decembro, de avaliación ambiental, o Departamento Territorial da Coruña fai público que o 5.3.2026 o director xeral de Planificación Enerxética e Minas, por delegación da conselleira de Economía e Industria (Orde do 4.11.2024, DOG núm. 217, do 11 de novembro),
RESOLVEU:
1. Outorgar a concesión de explotación de recursos mineiros da sección C) «Andrea fracción 1ª» núm. 7137.1 para o recurso mineiro cuarzo industrial, por un período de trinta (30) anos a favor da sociedade Explotación de Rocas Industriales y Minerales, S.A. (Erimsa), con NIF A15033665, sobre unha extensión de sesenta e seis (66) cuadrículas mineiras, nos termos municipais de Frades, Mesía, Ordes e Oroso na provincia da Coruña, de conformidade co plano de demarcación do 26.1.2026 que obra no expediente.
2. Aprobar o proxecto «Proxecto refundido de explotación da concesión de explotación derivada do permiso de investigación Andrea, nº 7137, situado en los termos municipais de Frades, Mesía, Ordes e Oroso (A Coruña)», asinado o 23.10.2023 polo enxeñeiro técnico de minas Jose Antonio Valencia González e visado polo Colexio Oficial de Enxeñeiros Técnicos e Graos en Minas e Enerxía de Galicia o 23.10.2023, co núm. 2023-00102.
3. Aprobar o documento «Plan de Restauración refundido del proyecto de la C.E. derivada del permiso de investigación Andrea nº 7137 situado nos termos municipais de Frades, Mesía, Ordes e Oroso (A Coruña)», asinado o 23.10.2023 polo enxeñeiro técnico de minas José Antonio Valencia González e visado polo Colexio Oficial de Enxeñeiros Técnicos e Graos en Minas e Enerxía de Galicia o 23.10.2023, co núm. 2024-00102, e o «Anexo ao Plan de restauración refundido do proxecto da C.E. derivada do permiso de investigación Andrea nº 7137 situado nos termos municipais de Frades, Mesía, Ordes e Oroso (A Coruña)», asinado o 1.12.2025 polo enxeñeiro técnico de minas José Antonio Valencia González.
A sociedade Explotación de Rocas Industriales y Minerales, S.A. (Ermisa), como titular da concesión de explotación Andrea fracción 1ª, núm. 7137.1, deberá cumprir coas seguintes obrigas:
1. Deberá darse cumprimento ás condicións impostas na declaración de impacto ambiental (DIA) do 16.10.2025 e publicada no DOG núm. 210, do 30 de outubro.
2. Dar cumprimento ao contido do Plan de vixilancia ambiental (PVA) asinado o 15.1.2026 polo enxeñeiro técnico de minas José Antonio Valencia González e validado polo Servizo de Seguimento e Oficina Técnica.
3. Para asegurar o cumprimento do disposto no plan de restauración e para responder do cumprimento das obrigacións de financiamento e viabilidade dos traballos, segundo o indicado no informe elaborado polos servizos técnicos deste departamento territorial, deberá constituír as seguintes garantías financeiras ou equivalente, por calquera das formas recollidas no artigo 32 da Lei 3/2008, do 23 de maio, de ordenación da minaría de Galicia:
a) Unha garantía fixa por un importe de cento setenta e dous mil novecentos oitenta e sete euros con corenta e seis céntimos (172.987,46), equivalente ao 4 % do orzamento de financiamento e viabilidade dos traballos.
b) Unha garantía variable por un importe de cento vinte e dous mil cento setenta e seis euros (122.176,00) que responda do cumprimento do Plan de Restauración ambiental.
4. O titular deberá iniciar os traballos de explotación no prazo dun ano, que se computará a partir do día seguinte ao notificación da resolución de outorgamento e comunicar ao Departamento Territorial a data do inicio dos traballos de explotación.
5. A vista da planificación da explotación por campañas anuais na época estival e para o mellor control polo órgano mineiro, Erimsa deberá comunicar o inicio dos traballos para cada campaña coa indicación das parcelas en que se vai actuar e a súa finalización.
En relación cos artigos 36 y 37 da antedita Lei 21/2013, nas consideracións legais e técnicas oitava, novena, décima e décimo primeira da resolución consta a seguinte información referente á información pública e as consultas ás administracións públicas afectadas:
Oitava. Segundo o establecido no artigo 23 da Lei 3/2008, do 23 de maio, de ordenación da minaría de Galicia, e nos artigos 36 e 37 da Lei 21/2013, do 11 de decembro, de avaliación ambiental, para a tramitación solicitáronse os preceptivos informes aos organismos seguintes:
Dirección Xeral de Patrimonio Cultural.
• Augas de Galicia.
• Dirección Xeral Patrimonio Natural.
• Instituto de Estudos do Territorio.
• Dirección Xeral de Ordenación do Territorio e Urbanismo.
• Dirección Xeral Gandaría, Agricultura e Industrias Agroalimentarias.
• Dirección Xeral de Planificación e Ordenación Forestal.
• Dirección Xeral de Emerxencias e Interior.
• Dirección Xeral de Desenvolvemento Rural.
• Concello de Frades l.
• Concello de Mesía.
• Concello de Ordes.
• Concello de Oroso.
• Sociedade Galega de Historia Natura.
• Federación Ecoloxista Galega.
Novena. Entre os dous trámites de consultas aos organismos recibíronse os seguintes informes:
|
Organismos consultados |
Primeiro informe |
Segundo informe |
|
Concello de Mesía |
29.7.2020 |
--- |
|
D.X. Gandaría, Agricultura e Industrias Agroalimentarias |
9.4.2021 |
30.9.2025 |
|
Concello de Frades |
4.2.2022 |
--- |
|
Augas de Galicia |
15.2.2022 |
--- |
|
D.X. de Ordenación do Territorio e Urbanismo |
22.7.2020 |
24.4.2024 |
|
Dirección Xeral de Emerxencias e Interior |
28.7.2020 |
30.4.2024 |
|
Concello de Ordes |
28.2.2022 |
5.6.2024 |
|
Instituto de Estudos do Territorio |
30.7.2020 |
7.6.2024 |
|
D.X. de Planificación e Ordenación Forestal |
29.10.2020 |
10.6.2024 |
|
Concello de Oroso |
29.4.2021 |
12.6.2024 |
|
Dirección Xeral de Patrimonio Natural |
16.3.2023 |
18.11.2024 |
|
Dirección Xeral de Patrimonio Cultural |
15.10.2020 |
19.3.2025 |
|
Dirección Xeral de Desenvolvemento Rural |
9.7.2021 |
18.9.2025 |
|
Sociedade Galega de Historia Natural |
--- |
1.5.2024 |
|
Federación Ecoloxista Galega |
--- |
--- |
Décima. A solicitude de concesión de explotación Andrea Fracción 1ª, núm. 7137.1, someteuse ao trámite de información pública segundo o establecido na lexislación vixente, constando no expediente a copia da publicación no DOG e a certificación de estar exposto ao público no taboleiro de anuncios dos concellos de Frades, Mesía, Oroso e Ordes.
No DOG número 99, do 23 de maio ,publícase o «Acordo do 22 de abril de 2024, da Xefatura Territorial da Coruña, polo que se someten a información pública o proxecto de explotación e o estudo de impacto ambiental da solicitude de concesión de explotación derivada do permiso de investigación Andrea núm. 7137, de sesenta e seis (66) cuadrículas mineiras para recurso de cuarzo metalúrxico, sito nos concellos de Frades, Mesía, Ordes e Oroso, provincia da Coruña, promovido pola sociedade Explotación de Rocas Industriales y Minerales, S.A. (Erimsa)» e outórgaselles ás persoas ou entidades que se consideren afectadas polo citado proxecto un prazo de 30 días hábiles para formular as alegacións oportunas.
Conn datas do 25.5.2023 e 1.7.2024 envíanse edictos aos concellos de Frades, Mesía, Ordes e Oroso para que, de conformidade co disposto no artigo 23 da Lei 3/2008, do 23 de maio, de ordenación da minaría de Galicia, expoñan ao público durante un prazo de trinta (30) días hábiles o proxecto de explotación e o estudo de impacto ambiental da solicitude de concesión de explotación derivada Andrea fracción 1ª, núm. 7137, de sesenta e seis (66) cuadrículas mineiras para recurso de cuarzo metalúrxico, promovido pola sociedade Explotación de Rocas Industriales y Minerales, S.A. (Erimsa).
Durante o período de información pública recibíronse 177 alegacións de persoas físicas e xurídicas referentes a diversas cuestións que, naquelas que teñen carácter ambiental, os correspondentes órganos competentes consultados xa tiveron en conta nos seus informes e cuxo contido se recolle na DIA.
Os informes e as alegacións recibidas foron remitidos á entidade Erimsa, que o 4.9.2024 presentou nove documentos nomeados «Contestación as alegacións do proxecto de explotación e estudo de impacto ambiental da concesión de explotación derivada do permiso de investigación Andrea nº 7137, situada nos termos municipais de Frades, Mesía, Ordes e Oroso (A Coruña)».
Décima primeira. O 16.10.2025 (DOG núm. 210, do 30 de outubro), a Dirección Xeral de Calidade Ambiental e Sostibilidade formula a declaración de impacto ambiental do proxecto de explotación da concesión de explotación derivada do permiso de investigación Andrea número 7137, nos concellos de Frades, Mesía, Ordes e Oroso (A Coruña), promovido por Erimsa (clave 2020/0022), en que conclúe que o proxecto é ambientalmente viable sempre que se cumpra, ademais do recollido no estudo de impacto ambiental e a restante documentación avaliada, o programa de vixilancia ambiental e o condicionado que figuran ao longo do dito documento, prevalecendo o disposto na DIA no caso de que exista contradición entre eles.
Tanto as medidas protectoras, os condicionantes e as consideracións indicadas nos informes dos organismos consultados, como as alegacións dos interesados e as respostas presentadas por Erimsa, tivéronse en conta na tramitación da declaración ambiental e foron incluídos na DIA, segundo consta nela.
Contra a dita resolución, que é definitiva na vía administrativa, poderán interpoñerse os seguintes recursos, sen prexuízo de que os interesados poidan exercer calquera outro que consideren procedente:
a. Recurso potestativo de reposición, ante a conselleira de Economía e Industria, no prazo dun mes contado a partir do día seguinte ao da notificación desta resolución.
b. Recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da notificación desta resolución.
A Coruña, 22 de abril de 2026
Isidoro Martínez Arca
Director territorial da Coruña