De conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, así como no artigo 3 da Orde da Consellería de Sanidade do 24 de maio de 2006 (DOG núm. 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 145/2024, do 20 de maio (DOG núm. 101, do 27 de maio), polo que se establece a estrutura orgánica do Servizo Galego de Saúde, a Orde do 22 de abril de 2020 (DOG núm. 82, do 29 de abril), sobre delegación de competencias en órganos centrais e periféricos da Consellería de Sanidade e do Servizo Galego de Saúde, e o Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia, o xerente da Área Sanitaria de Santiago de Compostela e Barbanza,

RESOLVE:

Primeiro. Proceder ao anuncio da convocatoria para cubrir mediante o procedemento de concurso de méritos e a defensa dun proxecto técnico, a provisión dos postos de traballo da Área Sanitaria de Santiago de Compostela e Barbanza, que se indican no anexo.

Segundo. As solicitudes para participar na presente convocatoria xunto coa documentación a que refírense as súas bases, presentaranse, dirixidas á Xerencia da Área Sanitaria de Santiago de Compostela e Barbanza, no Rexistro Xeral da Área Sanitaria de Santiago de Compostela e Barbanza, situado no Hospital Clínico, en rúa da Choupana, s/n, 15706 Santiago de Compostela, ou a través de calquera dos rexistros previstos na Lei 39/2015, do 1 de outubro, do procedemento administrativo común das administracións públicas, no prazo de vinte (20) días naturais, contados a partir do seguinte ao da publicación deste anuncio no Diario Oficial de Galicia.

Terceiro. As bases íntegras da convocatoria estarán expostas nos taboleiros de anuncios dos centros dependentes da Área Sanitaria de Santiago de Compostela e Barbanza, nos puntos de atención ao traballador (PAT) da Dirección de Recursos Humanos, na Intranet da Área Sanitaria de Santiago de Compostela e Barbanza, así como na páxina web do Servizo Galego de Saúde (www.sergas.es).

Santiago de Compostela, 12 de maio de 2026

Ángel Facio Villanueva
Xerente da Área Sanitaria de Santiago de Compostela e Barbanza

ANEXO

Denominación do posto: coordinador/a do persoal técnico superior en Anatomía Patolóxica e Citodiagnóstico.

Ámbito funcional: Servizo de Anatomía Patolóxica do Complexo Hospitalario Universitario de Santiago de Compostela.

Nº de prazas: unha.

Denominación do posto: coordinador/a do persoal técnico superior en Radioterapia e Dosimetría.

Ámbito funcional: Servizo de Radioterapia e Protección Radiolóxica do Complexo Hospitalario Universitario de Santiago de Compostela.

Nº de prazas: unha.

Denominación do posto: coordinador/a do persoal técnico superior en Imaxe para o Diagnóstico e Medicina Nuclear.

Ámbito funcional: Servizo de Radioloxía Convencional, TAC, RNM, Medicina Nuclear do Hospital Clínico Universitario de Santiago e PAC Santiago.

Nº de prazas: unha.

Denominación do posto: coordinador/a do persoal técnico superior en Imaxe para o Diagnóstico e Medicina Nuclear.

Ámbito funcional: Servizo de Radioloxía Convencional, TAC, RNM do Hospital Médico Cirúrxico de Conxo e Centros de Atención Primaria.

Nº de prazas: unha.