O artigo 15.2 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro), impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo 1
Dar publicidade da relación dos convenios e addendas subscritos pola Axencia Galega de Innovación nos meses de xaneiro, febreiro, marzo e abril do ano 2026, que se incorpora no anexo I desta resolución.
Artigo 2
Para os efectos de completar a Resolución da Axencia Galega de Innovación do 9 de xaneiro de 2026 pola que se dá publicidade dos convenios de colaboración e addendas subscritos por esta axencia no terceiro cuadrimestre de 2025 (DOG núm. 12, do 20 de xaneiro), dáse publicidade dunha addenda pendente de publicar subscrita no terceiro cuadrimestre de 2025 e que se incorpora como anexo II a esta resolución.
Santiago de Compostela, 13 de maio de 2026
Carmen Cotelo Queijo
Directora da Axencia Galega de Innovación
ANEXO I
Convenios e addendas subscritos pola Axencia Galega de innovación nos meses de xaneiro, febreiro, marzo e abril do ano 2026
|
Convenio |
Data da sinatura |
Importe total (€) |
|
Convenio de colaboración entre a Axencia Galega de Innovación, a Universidade da Coruña, a Universidade de Santiago de Compostela e a Universidade de Vigo para fomentar a actividade investigadora do persoal investigador universitario beneficiario dunha axuda do ERC no marco do H2020 |
10.2.2026 |
62.000,00 € |
|
Convenio entre a Axencia Galega de Innovación e a Fundación Empresa-Universidade Galega (Feuga), para a promoción, captación e retención de talento e o impulso da marca Galicia como activo para a I+D+i |
27.2.2026 |
1.840.020,00 € |
|
Convenio de colaboración entre a Axencia Galega de Innovación e a Asociación Bioga-Clúster Tecnolóxico Empresarial das Ciencias da Vida para a implementación dun plan de actividades para impulsar a excelencia do sector biotecnolóxico a través da competitividade, a innovación e a transferencia no tecido empresarial galego do sector no período 2026-2027 |
9.3.2026 |
250.000,00 € |
|
Convenio de colaboración entre a Axencia Galega de Innovación e a Asociación Clúster Saúde de Galicia para a implementación dun plan de actividades para impulsar a competitividade, a innovación e a transferencia no tecido empresarial galego do sector saúde no período 2026-2027 |
10.3.2026 |
250.000,00 € |
ANEXO II
Addenda pendente de publicar subscrita no terceiro cuadrimestre de 2025
|
Convenio |
Data de sinatura |
Importe total (€) |
|
Addenda ao convenio de colaboración entre a Axencia Galega de Innovación e a Asociación Bioga-Agrupación Industrial Tecnolóxica Empresarial das Ciencias da Vida para a implementación dun plan de actividades para impulsar a competitividade, a innovación e a transferencia no tecido empresarial galego do sector biotecnolóxico no período 2024-2025 |
4.9.2025 |
Sen achega económica |