DOG 95 do 25/5/2026 - ANUNCIO do 8 de maio de 2026, do Departamento Territorial da Coruña, de comunicación da data de ocupación e requirimento das follas de valoración no expediente de expropiación IN407A 2023/281-1, no concello de Valdoviño.

VI. Anuncios

a) Administración autonómica

Consellería de Economía e Industria

ANUNCIO do 8 de maio de 2026, do Departamento Territorial da Coruña, de comunicación da data de ocupación e requirimento das follas de valoración no expediente de expropiación IN407A 2023/281-1, no concello de Valdoviño.

Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado (BOE) resulta preceptiva «cando as persoas interesadas nun procedemento sexan descoñecidas, se ignore o lugar da notificación ou ben, intentada esta, non se puidese efectuar...», mediante o presente anuncio infórmase da data de ocupación e do requirimento das follas de valoración ás persoas que figuran como expropiadas no procedemento expropiatorio sobre os bens e dereitos afectados pola instalación eléctrica denominada Substitución do CT Carballal 15CU83 para a instalación dun telecontrol, no concello de Valdoviño (expediente IN407A 2023/281-1), correspondente aos predios e ás titularidades que se sinalan no cadro anexo que máis abaixo se detalla.

A Coruña, 8 de maio de 2026

Isidoro Martínez Arca
Director territorial da Coruña

ANEXO

Expediente: IN407A 2023/281-1.

Entidade beneficiaria: UFD Distribución Electricidad, S.A.

Denominación da instalación: Substitución do CT Carballal 15CU83 para a instalación dun telecontrol.

Concello: Valdoviño.

Predio	Lugar	Referencia catastral	Titulares	Data de ocupación
1	Avda. San Sadurniño, 2	9695102NJ6299N0001KJ	Fidelina López Romeo, Tamara e Andrés Sanesteban López	25.5.2026