BDNS (Identif.): 907715.

De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións:

https://www.infosubvenciones.es/bdnstrans/GE/es/convocatoria/907715

Primeiro. Destinatarios

Alumnado de centros privados concertados especialmente aquel en situación de vulnerabilidade socioeducativa.

Segundo. Obxecto

Esta orde ten por obxecto regular o procedemento de solicitude e concesión de axudas, en réxime de concorrencia competitiva, a centros con concerto en ensinanzas de educación primaria, educación secundaria obrigatoria e/ou formación profesional básica para a contratación de profesorado de apoio e reforzo e desenvolvemento do programa PROA+ nos cursos 2026/27 e 2027/28 no marco do Programa de emprego, educación, formación e economía social do Fondo Social Europeo Plus (FSE+) no período de programación 2021-2027, e proceder á súa convocatoria.

Terceiro. Bases reguladoras

Publícanse conxuntamente coa convocatoria.

Cuarto. Orzamento

O financiamento das axudas previstas nesta orde efectuarase con cargo á partida orzamentaria 07.03.423B.482.0 por un importe máximo de 450.000,00 € para o ano 2026 e 450.000,00 € para o ano 2027.

Quinto. Prazo de presentación de solicitudes

O prazo de presentación de solicitudes das axudas será dun mes e comezará a computarse unha vez transcorridos 8 días hábiles a partir do día seguinte ao da publicación desta orde no Diario Oficial de Galicia.

Santiago de Compostela, 11 de maio de 2026

O conselleiro de Educación, Ciencia, Universidades e Formación Profesional
P.D. (Orde do 5.6.2024; DOG núm. 114. do 13 de xuño)
Manuel Vila López
Secretario xeral técnico da Consellería de Educación, Ciencia, Universidades
e Formación Profesional